കടയ്ക്കാവൂർ :സർട്ടിഫിക്കറ്റുകൾ പടച്ചുവിടുന്ന ഫാക്ടറികളല്ല കലാലയങ്ങൾ. മറിച്ച്, ആത്മ വിശ്വാസത്തോടെ ജീവിതത്തെ കാണാൻ പഠിപ്പിക്കുന്ന കേന്ദ്രങ്ങളാകണമെന്നും മന്ത്രി ആർ. ബിന്ദു. നെടുങ്ങണ്ട ശ്രീനാരായണ ട്രെയിനിംഗ് കോളേജ് ഓഡിറ്റോറിയത്തിൽ , ബി. എഡ്. കോളേജുകളിൽ ആദ്യമായി ആരംഭിച്ച എൻ. എസ്. എസ് യൂണിറ്റുകളുടെ സംസ്ഥാനതല ഉദ്ഘാടനം നിർവഹിച്ചു സംസാരിക്കുകയായിരുന്നു മന്ത്രി. വി. ശശി എം. എൽ. എ അദ്ധ്യക്ഷത വഹിച്ചു.അഡ്വ .വി. ജോയ് എം . എൽ. എ എൻ. എസ്. എസ്. യൂണിറ്റ് ലോഗോ പ്രകാശനം ചെയ്തു. കേരള യൂണിവേഴ്സിറ്റി എൻ. എസ്. എസ്. പ്രോഗ്രാം കോർഡിനേറ്റർ ഡോ. ഷാജി. എ വോളന്റിയേഴ്‌സ് ബാഡ്ജുകൾ വിതരണം ചെയ്തു.എൻ എസ്. എസ്. റീജിയണൽ ഡയറക്ടർ ജി. ശ്രീധർ, സ്റ്റേറ്റ് ഓഫീസർ ഡോ .അൻസർ ആർ. എസ്, ട്രസ്റ്റ്‌ എക്സിക്യൂട്ടിവ് അംഗം അജി. എസ്. ആർ.എം, അഞ്ചുതെങ്ങ് പഞ്ചായത്ത്‌ പ്രസിഡന്റ് ലൈജു, മാർതിയോഫിലസ് ട്രെയിനിംഗ് കോളേജ് പ്രിൻസിപ്പൽ ഡോ.കെ.വൈ. ബെനഡിക്ട്, വാർഡ് മെമ്പർ സരിത, മുൻ പഞ്ചായത്ത്‌ അംഗം പ്രവീൺ ചന്ദ്ര, പി. ടി ഐ. വൈസ് പ്രസിഡന്റ് സന്തോഷ്‌, സ്റ്റാഫ്‌ സെക്രട്ടറി ചിത്ര, യൂണിവേഴ്സിറ്റി സ്റ്റുഡന്റസ് കൗൺസിൽ അംഗം വിജയ് വിമൽ തുടങ്ങിയവർ സംസാരിച്ചു. നെടുങ്ങണ്ട എസ്. എൻ. ട്രെയിനിംഗ് കോളേജ് പ്രിൻസിപ്പൽ ഡോ.ഷീബ. പി സ്വാഗതവും പ്രോഗ്രാം ഓഫീസർ ഡോ. റാണി .കെ.വി നന്ദിയും പറഞ്ഞു.