ബാലരാമപുരം: വനിതാദിനത്തിൽ നേമം ഗവ. യു.പി.എസിൽ എയ്റോബിക്‌സിന് തുടക്കമായി. യു.പി വിഭാഗത്തിലെ ഇരുനൂറിലേറെ പെൺകുട്ടികൾക്കാണ് ഇതുവഴി പരിശീലനം നൽകുന്നത്. സ്വയം പ്രതിരോധ പരിശീലനത്തിന്റെ ഭാഗമായി സമഗ്രശിക്ഷ കേരളയാണ് പദ്ധതി നടപ്പിലാക്കുന്നത്. എസ്.എസ്.കെ ബാലരാമപുരം ബ്ലോക്ക് പ്രോഗ്രാം കോഓർഡിനേറ്റർ എസ്.ജി. അനീഷ് ഉദ്ഘാടനം ചെയ്തു. എസ്.എം.സി ചെയർമാൻ വി. മനു അദ്ധ്യക്ഷത വഹിച്ചു. എം.ആർ. സൗമ്യ, ഉപനിയൂർ സുരേഷ്, ബിപിൻലാൽ എന്നിവർ പ്രസംഗിച്ചു. ഹെഡ്മാസ്റ്റർ എ.എസ്. മൻസൂർ സ്വാഗതവും കെ. ബിന്ദു പോൾ നന്ദിയും പറഞ്ഞു.