തിരുവനന്തപുരം: സംസ്ഥാനത്ത് ഇന്നലെ 1088 പേർക്ക് കൂടി കൊവിഡ് സ്ഥിരീകരിച്ചു. അതേസമയം ചികിത്സയിലുള്ളവരുടെ എണ്ണം പതിനായിരത്തിൽ താഴെയെത്തി. 9530 പേരാണ് ചികിത്സയിലുള്ളത്. ഇന്നലെ 2037 പേർ രോഗമുക്തരായി.

24 മണിക്കൂറിനിടെ 22,050 സാമ്പിളുകളാണ് പരിശോധിച്ചത്. 4.93ശതമാനമാണ് ടെസ്റ്റ് പോസിറ്റിവിറ്റി നിരക്ക്. 24 മണിക്കൂറിനിടെയുണ്ടായ ഒരു മരണവും കഴിഞ്ഞദിവസങ്ങളിലെ നാലു മരണങ്ങളും കൂടാതെ അപ്പീൽ നൽകിയ 26 മരണങ്ങളും പട്ടികയിൽ ഉൾപ്പെടുത്തി. നാല് ആരോഗ്യപ്രവർത്തകരും രോഗ ബാധിതരായി. ഇന്നലെ രോഗം സ്ഥിരീകരിച്ചവരിൽ 1028 പേർ സമ്പർക്കരോഗികളാണ്. 53 പേരുടെ ഉറവിടം വ്യക്തമല്ല. മൂന്നു പേരാണ് സംസ്ഥാനത്തിന് പുറത്ത് നിന്ന് വന്നവർ.