തിരുവനന്തപുരം : ബി.എസ്.എൻ.എൽ എംപ്ലോയീസ് യൂണിയന്റെ പത്താമത് സംസ്ഥാന സമ്മേളനം 15 ,16 തീയതികളിൽ കൊല്ലം സോപാനം ആഡിറ്റോറിയത്തിൽ നടക്കും. 15 നു രാവിലെ പത്തിനു നടക്കുന്ന സമ്മേളനം സി.ഐ.ടി.യു ദേശീയ സെക്രട്ടറി കെ. ചന്ദ്രൻപിള്ള ഉദ്ഘാടനം ചെയ്യും. ബി.എസ്.എൻ.എൽ.ഇ.യു സംസ്ഥാന പ്രസിഡന്റ് പി. മനോഹരൻ അദ്ധ്യക്ഷത വഹിക്കും. ബി.എസ്.എൻ.എൽ സംസ്ഥാന മേധാവി സി.വി. വിനോദ് മുഖ്യാഥിതിയാകും. മുൻ എം.പി. പി.രാജേന്ദ്രൻ, സി.പി.എം.ജില്ലാ സെക്രട്ടറി എസ്.സുദേവൻ, ഇരവിപുരം എം.എൽ.എ എം.നൗഷാദ്, ബി.എസ്.എൻ.എൽ ഇ.യു സ്ഥാപക ജനറൽ സെക്രട്ടറി വി.എ.എൻ. നമ്പൂതിരി, എ.ഐ.ബി.ഡി.പി.എ ദേശീയ ജനറൽ സെക്രട്ടറി കെ.ജി. ജയരാജ്, കോൺഫെഡറേഷൻ സംസ്ഥാന സെക്രട്ടറി പി.കെ. മുരളീധരൻ, ബി.എസ്.എൻ.എൽ സി.സി.ഡബ്ല്യു.എഫ് ദേശീയ അസി. സെക്രട്ടറി കെ.മോഹനൻ, എ.ഐ.ബി.ഡി.പി.എ സംസ്ഥാന സെക്രട്ടറി എൻ.ഗുരുപ്രസാദ്, സ്വാഗത സംഘം ജനറൽ കൺവീനർ ഡി. അഭിലാഷ്,കൊല്ലം മേയറും സ്വാഗത സംഘം ചെയർപേഴ്സണുമായ പ്രസന്ന ഏണസ്റ്റ് എന്നിവർ സംസാരിക്കും. ഉച്ചയ്ക്ക് 2.30 നു പ്രതിനിധി സമ്മേളനം ബി.എസ്.എൻ.എൽ.ഇ.യു ദേശീയ ജനറൽ സെക്രട്ടറി പി. അഭിമന്യു ഉദ്ഘാടനം ചെയ്യും. 16 ന് വൈകിട്ട് 4ന് പുതിയ ഭാരവാഹികളുടെ തിരഞ്ഞെടുപ്പ് നടക്കും.