ചേരപ്പള്ളി : പറണ്ടോട് മലയൻതേരി​ നവചേതന ഗ്രന്ഥശാലയുടെയും സാംസ്കാരിക സമിതിയുടെയും സംയുക്താഭിമുഖ്യത്തിൽ നവചേതന നഗർ പ്രഖ്യാപനവും ഉണ്ടപ്പാറ റോഡിന്റെ ഉദ്ഘാടനവും ആര്യനാട് പഞ്ചായത്ത് പ്രസിഡന്റ് വി. വിജുമോഹൻ നിർവഹിച്ചു.

രക്ഷാധികാരി എം.എസ്. മനോഹരൻ അദ്ധ്യക്ഷനായി. ബുക്ക് ഒഫ് റെക്കാർഡ് നേടിയ സജിത്തിനെ ആര്യനാട് പഞ്ചായത്ത് വികസന കാര്യ സ്റ്റാൻഡിംഗ് കമ്മിറ്റി ചെയർമാൻ എം.എൽ. കിഷോർ ആദരിച്ചു. നെടുമങ്ങാട് താലൂക്ക് ലൈബ്രറി കൗൺസിൽ അംഗം വി.പി. സജികുമാർ, മുൻ വാർഡ് മെമ്പർമാരായ സോമൻ നായർ, ശ്രീകണ്ഠൻനായർ, ലതകുമാരി, സാംസ്കാരിക സമിതി സെക്രട്ടറി എം.എസ്. സുധാകരൻ, വനിതാവേദി പ്രസിഡന്റ് ശാലിനി, നവചേതന അംഗം ഐത്തി സുരേന്ദ്രൻ, യുവത സെക്രട്ടറി എ. വിഷ്ണു, ബാലവേദി സെക്രട്ടറി കുമാരി അനന്യ, സാംസ്കാരിക സമിതി പ്രസിഡന്റ് വി. ഗിരീശൻ, നവചേതന സെക്രട്ടറി എസ്. പ്രശാന്ത്, സംഘാടക സമിതി കൺവീനർ ജോൺ താഴ്‌വാരത്ത് എന്നിവർ സംസാരിച്ചു.