തിരുവനന്തപുരം: 26ാമത് കേരള രാജ്യാന്തര ചലച്ചിത്ര മേളയിൽ മത്സരവിഭാഗത്തിൽ പ്രദർശിപ്പിക്കുന്നത് 14 സിനിമകൾ. മലയാളത്തിൽ നിന്ന് നിഷിദ്ധോ, ആവാസവ്യൂഹം എന്നീ ചിത്രങ്ങളാണ് ഈ വിഭാഗത്തിലുള്ളത്.
സിനിമകൾ
1) അനറ്റോലിയൻ ലെപ്പേഡ്
സംവിധായകൻ: എമ്റെ കയിസ്
രാജ്യം: തുർക്കി
കഥാചുരുക്കം: തുർക്കിയിലെ ഒരു മൃഗശാലയിൽ പ്രായമേറിയ അനറ്റോലിയയൻ എന്ന പുള്ളിപ്പുലി ചത്തുപോകുന്നു. മരണവാർത്ത മറച്ചുവയ്‌ക്കാൻ മാനേജരും വനിതാ ഓഫീസറും ചേർന്ന് ശ്രമിക്കുന്നു.
2)കമീല കംസ് ഔട്ട് നൈറ്റ്
സംവിധായകൻ: ഐനെസ് ബാരിയോന്യൂവോ
രാജ്യം: അർജന്റീന
കഥാചുരുക്കം: മുത്തശ്ശി ഗുരുതരാവസ്ഥയിലായതോടെ കമീലയ്‌ക്ക് തന്റെ സുഹൃത്തുക്കളെ ഉപേക്ഷിച്ച് താമസം മാറ്റേണ്ടിവരുന്നു. പരമ്പരാഗത സ്‌കൂളിലേക്കുള്ള മാറ്റത്തോട് പൊരുത്തപ്പെടാനാകുന്നില്ല
3) ക്യാപ്ടൻ വൊൾക്കാനോഗോവ് എസ്‌കേപ്പ്ഡ്
സംവിധായകൻ: നടാഷ മെർകുലോവ
രാജ്യം: റഷ്യ
കഥാചുരുക്കം: യു.എസ്.എസ്.ആറിലെ നിയമപാലകനായ ക്യാപ്ടൻ ഫ്യോഡോർ വൊൾക്കാനോഗോവ് തന്റെ, സഹപ്രവർത്തകർ സംശയാസ്പദമായി ചോദ്യം ചെയ്യപ്പെടുന്നത് കാണുന്നു. അടുത്തത് താനാണെന്ന് മനസിലാക്കിയ അദ്ദേഹം ഒളിച്ചോടുന്നു.
4)ക്ളാരാ സോള
സംവിധായകൻ: നതാലിയെ ആൽവരേസ് മെസെൻ
രാജ്യം: സ്വീഡൻ
കഥാചുരുക്കം: 40 വയസുള്ള ക്ലാരയ്ക്ക് ദൈവികമായ ശക്തിയുണ്ടെന്ന് ആളുകൾ വിശ്വസിക്കുന്നു. രോഗശാന്തിയേകുന്നവൾ എന്ന നിലയിൽ ഒരു കുടുംബത്തെയും ഗ്രാമത്തെയും അവൾ പരിചരിക്കുന്നു. അമ്മയുടെ അടിച്ചമർത്തലുകൾക്ക് ശേഷം അനന്തരവളുടെ കാമുകനോട് തോന്നുന്ന ആകർഷണം ക്ലാരയുടെ ലൈംഗികാഭിലാഷങ്ങളെ ഉണർത്തുന്നു.
5) കോസ്‌‌റ്റ ബ്രാവ
സംവിധായകൻ: മൗനിക അക്ൽ
രാജ്യം: ലെബനൻ
കഥാചുരുക്കം: ബെയ്‌റൂട്ടിലെ വിഷമലിനീകരണത്തിൽ നിന്ന് രക്ഷപ്പെട്ട ബദ്രി കുടുംബം, അവർ നിർമ്മിച്ച പുതിയ വീട്ടിലേ ക്ക് താമസം മാറ്റുന്നു. എന്നാൽ അപ്രതീക്ഷിതമായി അവരുടെ വേലിക്ക് പുറത്ത് ഒരു മാലിന്യ നിർമ്മാർജ്ജന കേന്ദ്രം നിർമ്മിക്കപ്പെടുന്നു.
6) നിഷിദ്ധോ
സംവിധായിക: താരാ രാമാനുജൻ
രാജ്യം: ഇന്ത്യ (മലയാളം)
കഥാതന്തു: കേരളത്തിലെ കെട്ടിടനിർമ്മാണ സൈറ്റിൽ വച്ച് കുടിയേറ്റത്തൊഴിലാളി മരിക്കുന്നു. ദുർഗാവിഗ്രഹം നിർമ്മിക്കുന്ന അയാളുടെ അനന്തരവൻ കർക്കശക്കാരിയായ ഒരു തമിഴ് വയറ്റാട്ടിയെ ശവസംസ്‌കാരത്തിന് ചുമതലപ്പെടുത്തുന്നു.
7)ഐ ആം നോട്ട് ദ റിവർ ഝലം
സംവിധായകൻ: പ്രഭാഷ് ചന്ദ്ര
രാജ്യം: ഇന്ത്യ
കഥാസാരം: കാശ്മീരിൽ ജീവിക്കുന്ന അഫീഫ എന്ന പെൺകുട്ടി വ്യക്തിജീവിതത്തിൽ അനുഭവിക്കുന്ന പിരിമുറുക്കവും ആഘാതവുമാണ് സിനിമയുടെ ഇതിവൃത്തം.
8)ലെറ്റ് ഇറ്റ് ബി മോർണിംഗ്
സംവിധായകൻ: ഇറാൻ കൊലിറിൻ
രാജ്യം: ഇസ്രയേൽ
കഥാതന്തു: സഹോദരന്റെ വിവാഹത്തിനുള്ള ക്ഷണം ഒരാളെയും അദ്ദേഹത്തിന്റെ കുടുംബത്തെയും അവർ വളർന്ന അറബി ഗ്രാമത്തിലേക്ക് മടങ്ങാൻ പ്രേരിപ്പിക്കുന്നു.
9)മുറീന
സംവിധായകൻ: അന്റോണെറ്റ അലമാത് കുസിനോവിക്
രാജ്യം: യു.എസ്
കഥാസാരം: ഒരു പഴയ കുടുംബസുഹൃത്ത് ക്രൊയേഷ്യൻ ദ്വീപിലെ വസതിയിൽ എത്തുന്നതോടെ കൗമാരക്കാരിയായ യൂലിയയുടെ അവളുടെ പിതാവ് ആന്റെയ്‌ക്കും ഇടയിലുള്ള പിരിമുറുക്കം ഏറുന്നു. ജീവിതത്തെ മാറ്റിമറിക്കുന്ന ഒരു ഇടപെടലിനാണ് ആന്റെ ശ്രമിക്കുന്നത്.
10)കൂഴങ്ങൾ
സംവിധായകൻ: വിനോദ്‌രാജ് പി.എസ്
രാജ്യം: ഇന്ത്യ (തമിഴ്)
കഥാസാരം: മദ്യപാനിയായ ഗണപതി ഒരു ദിവസം മകൻ വേലുവിനെയും കൂട്ടി താൻ മർദ്ദിച്ച് ഇറക്കിവിട്ട ഭാര്യയെ തിരികെ കൊണ്ടുവരാൻ പോകുന്നു. വീട്ടിലെത്തുന്ന അയാൾ, ഭാര്യ തന്റെവീട്ടിലേക്ക് മടങ്ങിയതായി അറിയുന്നു. രോഷാകുലനായ അയാൾ വീട്ടുകാരോട് കലഹിക്കുന്നതിനിടെ ബസ് ടിക്കറ്റിനുള്ള പണം നഷ്ടമാകുന്നു.
11) സുഘ്റ ആൻഡ് ഹെർ സൺസ്
സംവിധായകൻ: ഇൽഗർ നജഫ്
രാജ്യം: അസർബൈജാൻ
കഥാതന്തു: ദൂരെയുള്ള ഒരു ഗ്രാമത്തിൽ സ്ത്രീകൾ ജോലികൾ ചെയ്യുമ്പോൾപുരുഷന്മാർ നാസികളുമായി യുദ്ധം ചെയ്യുന്നു നാടുവിട്ടുപോയവരുടെ ഒരു ചെറിയ സംഘം മലനിരകളിൽ ഒളിച്ചിരിക്കുന്നു. ബഹ്‌തിയാർ എന്ന കൊച്ചുകുട്ടി ഈ മനുഷ്യർക്കും ഗ്രാ മത്തിനും ഇടയിലെ കണ്ണിയായി പ്രവർത്തിക്കുന്നു.
12) ആവാസവ്യൂഹം
സംവിധായകൻ: കൃഷന്ദ് ആ‍ർ.കെ
രാജ്യം: ഇന്ത്യ (മലയാളം)
കഥാസാരം: കൊച്ചിയിലെ ഒരു ചെറിയ ദ്വീപായ പുതുവൈപ്പ് ദുർബലമായ ആവാസവ്യവസ്ഥയും കണ്ടൽക്കാടുകളിലേക്കുള്ള അപൂർവ പക്ഷികളുടെ കുടിയേറ്റവും മത്സ്യത്തൊഴിലാളികളും പെട്രോളിയം കമ്പനി വിതയ്ക്കുന്ന ഭീഷണികളും ജോയ് എന്ന വ്യക്തിയുടെ രൂപാന്തരീകരണത്തിന് കാരണമാകുന്നു.
13) യൂ റിസംബിൾ മീ
സംവിധായകൻ: ഡിന ആമെർ
രാജ്യം: യു.എസ്
കഥാതന്തു: പാരീസിന്റെ ഒരു പ്രാന്തപ്രദേശത്തിലാണ് രണ്ട് സഹോദരിമാർ താമസിച്ചിരുന്നത്. അവർ വേർപിരിക്കപ്പെടുന്നതോടെ മൂത്തസഹോദരിയായ ഹസ്‌ന തന്റെ വ്യക്തിത്വം കണ്ടെത്താൻ പ്രയാസപ്പെടുന്നു.
14) യൂനി
സംവിധായകൻ: കാമില അന്ദിനി
രാജ്യം: ഇന്തോനേഷ്യ
കഥാചുരുക്കം: യൂണിവേഴ്‌സിറ്റിയിൽ ചേർന്ന് പഠിക്കുകയെന്ന സ്വപ്നമാണ് കൗമാരക്കാരിയായ യൂനിക്കുള്ളത്. തനിക്ക് പരിചയമുള്ള രണ്ട് പുരുഷന്മാർ നടത്തിയ വിവാഹാഭ്യർത്ഥന അവൾ നിരസിക്കുന്നു. മൂന്നാമതൊരാൾ വിവാഹാഭ്യർത്ഥനയുമായി എത്തുന്നതോടെ അവൾ സമ്മർദ്ദത്തിലാകുന്നു.