തിരുവനന്തപുരം: കേരള സർവകലാശാല വിദൂരവിദ്യാഭ്യാസ കേന്ദ്രം 2022 ൽ നടത്തിയ ആറാം സെമസ്​റ്റർ ബി.ബി.എ (2013 അഡ്മിഷൻ മേഴ്സി ചാൻസ്, 2014 അഡ്മിഷൻ സപ്ലിമെന്ററി) പരീക്ഷകളുടെ പ്രോജക്ട് വൈവാ വോസി 21ന് രാവിലെ 9.30 മുതൽ കാര്യവട്ടത്തെ വിദൂരവിദ്യാഭ്യാസ കേന്ദ്രത്തിൽ വച്ച് നടത്തും. വിദ്യാർത്ഥികൾ പ്രോജക്ട് റിപ്പോർട്ടും ഹാൾടിക്ക​റ്റുമായി പരീക്ഷാകേന്ദ്രത്തിൽ എത്തിച്ചേരണം.

കൊവിഡ് കാരണം കഴിഞ്ഞ ആഗസ്റ്റിലെ ഒന്നാം സെമസ്​റ്റർ സി.ബി.സി.എസ് ബി.എ/ ബി.എസ്.സി/ ബി കോം പരീക്ഷകൾ എഴുതാൻ സാധിക്കാത്തവർക്ക് സ്‌പെഷ്യൽ പരീക്ഷയ്ക്ക് അപേക്ഷിക്കാം. വിദ്യാർത്ഥികൾ അവരുടെ പേര്, കാൻഡിഡേ​റ്റ് കോഡ്, പ്രോഗ്രാമിന്റെ പേര് , കോഴ്സ് കോഡ് എന്നിവ അടങ്ങുന്ന അപേക്ഷ ആരോഗ്യ വകുപ്പിന്റേയോ തദ്ദേശസ്വയംഭരണ വകുപ്പിന്റേയോ സാക്ഷ്യപത്രം സഹിതം 22നകം പ്രിൻസിപ്പലിന് നൽകണം.

കേരള സർവകലാശാല വിദൂര വിദ്യാഭ്യാസ പഠനകേന്ദ്രം നടത്തുന്ന 1, 2,3,4 സെമസ്​റ്റർ എം.എസ്‌സി കമ്പ്യൂട്ടർ സയൻസ് സപ്ലിമെന്ററി (2003 സ്‌കീം 2004 അഡ്മിഷൻ ഒഴികെ ) പരീക്ഷകൾക്ക് പിഴകൂടാതെ 24 വരെയും 150 രൂപ പിഴയോടെ 28 വരെയും 400 രൂപ പിഴയോടെ 30 വരെയും ഫീസടച്ച് ഓൺലൈനായും (2014 അഡ്മിഷൻ ), 2014 അഡ്മിഷന് മുമ്പുള്ളവർക്ക് നേരിട്ടും അപേക്ഷിക്കാം. വിവരങ്ങൾ വെബ്‌സൈ​റ്റിൽ.

വിദൂര വിദ്യാഭ്യാസ പഠനകേന്ദ്രം നടത്തുന്ന പോസ്​റ്റ് ഗ്രാഡ്വേറ്റ് ഡിഗ്രി, ഡിപ്ലോമ ( 2017 അഡ്മിഷന് മുമ്പുള്ളത് ) സപ്ലിമെന്ററി പരീക്ഷകൾക്ക് പിഴയില്ലാതെ 24 വരെയും 150 രൂപ പിഴയോടെ 28 വരെയും 400 രൂപ പിഴയോടെ 30 വരെയും അപേക്ഷിക്കാം.