തിരുവനന്തപുരം: സാഹിതി ലളിതാംബിക പുരസ്‌കാരത്തിന് കഥാകൃത്ത് സലിൻ മാങ്കുഴി അർഹനായി. ഡി.സി ബുക്‌സ് പ്രസിദ്ധീകരിച്ച പത U/A എന്ന കഥാ സമാഹാരമാണ് അവാർഡിന് അർഹമായത്. 50001 രൂപയും പ്രശംസാപത്രവും ശില്‌പവും അടങ്ങുന്നതാണ് പുരസ്‌കാരം.

എഴുത്തുകാരനായ പള്ളിയറ ശ്രീധരൻ ചെയർമാനും ഫാ.സജി മേക്കാട്ട്, ഡോ.രമേശ് എന്നിവർ അംഗങ്ങളുമായ ജൂറിയുമാണ് അവാർഡ് നിർണയം നടത്തിയത്. പബ്ലിക്ക് റിലേഷൻസ് വകുപ്പിൽ ഡെപ്യൂട്ടി ഡയറക്‌ടറായ സലിൻ മാങ്കുഴി മൂന്ന് തിരക്കഥകളും രണ്ട് കഥാസമാഹാരവും രചിച്ചിട്ടുണ്ട്. ലളിതാംബിക അന്തർജനത്തിന്റെ ജന്മദിനമായ 30ന് തിരുവനന്തപുരം പ്രസ് ക്ലബിൽ നടക്കുന്ന ചടങ്ങിൽ പുരസ്‌കാര ദാനം നടത്തുമെന്ന് സാഹിതി സെക്രട്ടറി ജനറൽ ബിന്നി സാഹിതി അറിയിച്ചു.