തിരുവനന്തപുരം: കേരള സർവകലാശാല കഴിഞ്ഞ ആഗസ്റ്റിൽ നടത്തിയ ഒന്നാം സെമസ്റ്റർ എം.എസ്‌സി. സുവോളജി (റെഗുലർ/സപ്ലിമെന്ററി) പരീക്ഷയുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്ക് 27 വരെ അപേക്ഷിക്കാം.
നവംബറിൽ നടത്തിയ നാലാം സെമസ്റ്റർ സി.ബി.സി.എസ്. ബി.എ. (മേഴ്സിചാൻസ് 2010, 2011 & 2012 അഡ്മിഷൻ) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണ്ണയത്തിനും സൂക്ഷ്മപരിശോധനയ്ക്കും 28 വരെ ഓൺലൈനായി അപേക്ഷിക്കാം.
വിദൂരവിദ്യാഭ്യാസ പഠനകേന്ദ്രം ജനുവരിയിൽ നടത്തിയ മൂന്ന്, നാല് സെമസ്റ്റർ എം.എസ്‌സി. കമ്പ്യൂട്ടർസയൻസ് പരീക്ഷയുടെ മേജർ പ്രോജക്ട്/വൈവ/പ്രാറാക്ടിക്കൽ പരീക്ഷകൾ 23 മുതൽ 26 വരെ കാര്യവട്ടം വിദൂരവിദ്യാഭ്യാസ കേന്ദ്രത്തിൽ വച്ച് നടത്തും. ടൈംടേബിൾ വെബ്‌സൈറ്റിൽ.
ഡിസംബറിൽ നടത്തിയ രണ്ടാം സെമസ്റ്റർ ബി.വോക്. സോഫ്റ്റ്‌വെയർ ഡെവലപ്പ്‌മെന്റ് (351) കോഴ്സിന്റെ പ്രാക്ടിക്കൽ പരീക്ഷ 21 മുതൽ 24 വരെ ചേർത്തല സെന്റ്.മൈക്കിൾസ് കോളേജിലും ശാസ്താംകോട്ട കെ.എസ്.എം.ഡി.ബി.കോളേജിലും ആരംഭിക്കും.
ഡിസംബറിൽ നടത്തിയ രണ്ടാം സെമസ്റ്റർ കരിയർ റിലേറ്റഡ് സി.ബി.സി.എസ്.എസ്. ബി.എസ്‌സി. ഇലക്ട്രോണിക്സ് ഡിഗ്രി കോഴ്സിന്റെ പ്രാക്ടിക്കൽ പരീക്ഷ 21 മുതൽ 25 വരെ അതത് കോളേജുകളിൽ വച്ച് നടത്തും.
ഏപ്രിൽ 18 ന് ആരംഭിക്കുന്ന ഒന്നാം വർഷ ബി.എഫ്.എ. (ഇന്റഗ്റേറ്റഡ്) പരീക്ഷകൾക്ക് പിഴകൂടാതെ 25 വരെയും 150 രൂപ പിഴയോടെ 29 വരെയും 400 രൂപ പിഴയോടെ 31 വരെയും അപേക്ഷിക്കാം.
2021 - 2022 അദ്ധ്യയന വർഷത്തെ യൂണിവേഴ്സിറ്റി മെറിറ്റ് സ്‌കോളർഷിപ്പിന് അപേക്ഷിക്കാം.
സർവകലാശാലയുടെ വിവിധ ഡിപ്പാർട്ട്‌മെന്റുകൾ, അഫിലിയേറ്റഡ് കോളേജുകൾ, യൂണിവേഴ്സിറ്റി എൻജിനിയറിംഗ് കോളേജ്, കാര്യവട്ടം എന്നിവിടങ്ങളിൽ 2021 - 2022 അദ്ധ്യയവവർഷം ബിരുദ ബിരുദാനന്തര കോഴ്സുകൾക്ക് പ്രവേശനം ലഭിച്ച വിദ്യാർത്ഥികൾക്ക് അപേക്ഷിക്കാം. ഓട്ടോണോമസ് കോളേജുകളുടെ അപേക്ഷ സ്വീകരിക്കില്ല. കോളേജ്/ഡിപ്പാർട്ട്‌മെന്റ് മേധാവി വഴി നിശ്ചിത ഫോമിലുളള അപേക്ഷയും യോഗ്യത പരീക്ഷയുടെ സാക്ഷ്യപ്പടുത്തിയ പകർപ്പുകളും ലഭിക്കേണ്ട അവസാന തീയതി ഏപ്രിൽ 15. വിവരങ്ങൾ വെബ്‌സൈറ്റിൽ.