വെഞ്ഞാറമൂട്: ഇന്നു നാം അനുഭവിക്കുന്ന ജലവും ജലസ്രോതസുകളും പൂർവ്വികർ തന്ന വരദാനമാണെന്നും അത് വരുംതലമുറയ്ക്കായി കാത്തു സൂക്ഷിക്കേണ്ടത് നാം ഓരോരുത്തരുടെയും കടമയാണെന്നും മന്ത്രി ആന്റണി രാജു. നദികളെയും പുഴകളെയും സംരക്ഷിക്കുന്നതിനും കാർഷിക സംസ്‌കാരം വീണ്ടെടുക്കുന്നതിനും നെല്ലനാട് പഞ്ചായത്ത് നടപ്പാക്കുന്ന 'നീരരുവി, തെളിനീരൊഴുകും നെല്ലനാട് 'പദ്ധതിയുടെ ഉദ്ഘാടനം കീഴായിക്കോണം സ്‌മിത ഓഡിറ്റോറിയത്തിൽ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.

.ഡി.കെ. മുരളി എം.എൽ.എ അദ്ധ്യക്ഷനായ യോഗത്തിൽ പഞ്ചായത്ത് പ്രസിഡന്റ് ബീനാ രാജേന്ദ്രൻ സ്വാഗതം പറഞ്ഞു.ലാൻഡ് യൂസ് ബോർഡ് കമ്മീഷണർ നിസാമുദ്ദീൻ പദ്ധതിയുടെ ലോഗോ പ്രകാശനം ചെയ്തു. ബ്ലോക്ക് പഞ്ചായത്ത് പ്രസിഡന്റ് ജി. കോമളം കാർഷിക വിത്തുകൾ വിതരണം ചെയ്തു.വൈസ് പ്രസിഡന്റ് കീഴായിക്കോണം സോമൻ, സ്റ്റാൻഡിംഗ് കമ്മിറ്റി ചെയർമാൻ അഡ്വ:സുധീർ, സജീന, പഞ്ചായത്തംഗങ്ങൾ, ബ്ലോക്ക് അംഗങ്ങൾ എന്നിവർ പങ്കെടുത്തു.