ആറ്റിങ്ങൽ: കൊയ്ത്തുപാട്ടും കൈതാളവും തീർത്ത ആരവത്തിന്റെ പശ്ചാലത്തിൽ പള്ളിയറ പാടശേഖരത്തിൽ കൊയ്ത്തുത്സവം നടന്നു.ചിറയിൻകീഴ് താലൂക്ക് ടൂറിസം കോ-ഓപ്പറേറ്റിവ് സൊസൈറ്റിയാണ് പള്ളിയറയിൽ പാടശേഖരം പാട്ടത്തിനെടുത്ത് കൃഷി ചെയ്തത്.കാർഷിക രംഗത്ത് മാതൃക സൃഷ്ടിച്ച അവനവഞ്ചേരി ഗവ.എച്ച്.എസിലെ സ്റ്റുഡന്റ് പൊലീസ് കേഡറ്റുകളും ഈ കാർഷിക സംരംഭത്തിൽ പങ്കാളികളായി.ഒ.എസ്. അംബിക എം.എൽ.എ,മുൻ കെ.പി.സി.സി സെക്രട്ടറി എം.എ.ലത്തീഫ്,ബ്ലോക്ക് പഞ്ചായത്ത് അംഗം കരുണാകരൻ നായർ,പഞ്ചായത്ത്‌ മെമ്പർ അനിൽ കുമാർ,​അവനവഞ്ചേരി ഗവ.എച്ച്.എസ് എസ്.പി.സി കോർഡിനേറ്റർ എൻ.സാബു, പി.ടി.എ പ്രസിഡന്റ് പ്രഭൻ,​ ഇടയ്ക്കോട് ഗവ.എൽ.പി.എസ് എച്ച്.എം. ജയകുമാർ, മുൻ ഗ്രാമ പഞ്ചായത്ത് പ്രസിഡന്റ് ആർ.എസ്.വിജയകുമാരി,ചിറയിൻകീഴ് താലൂക്ക് ടൂറിസം കോ ഓപ്പറേറ്റിവ് സൊസൈറ്റി പ്രസിഡന്റ് ഇളമ്പ ഉണ്ണികൃഷ്ണൻ, സെക്രട്ടറി രതീഷ് രവീന്ദ്രൻ, സബീല, സിന്ധുകുമാരി, ശംഭു, സജിൻ, ബിന്ദു എന്നിവർ പങ്കെടുത്തു.