കരിക്കുലം, കോർ കമ്മിറ്റികളുടെ ആദ്യ യോഗം ഉടൻ

തിരുവനന്തപുരം: 2013നു ശേഷം ഇതാദ്യമായി​ സ്കൂളുകളിലെ പാഠ്യപദ്ധതി പരിഷ്കരിക്കുന്നതിന്

രൂപീകരിച്ച കരിക്കുലം, കോർ സ്റ്റിയറിംഗ് കോർ കമ്മിറ്റികളുടെ ആദ്യ ഒത്തു ചേരൽ അടുത്തയാഴ്ചയോടെ നടക്കും. ദേശീയ ശി​ല്പശാലയും ഇതി​നോടനുബന്ധി​ച്ച് നടത്താൻ വി​ദ്യാഭ്യാസ വകുപ്പ് ആലോചി​ക്കുന്നുണ്ട്.

ഓരോ വിഷയത്തിനും ചെയർമാൻ, കൺവീനറടക്കം പന്ത്രണ്ടോളം പേരടങ്ങുന്ന ഇരുപത്തിയഞ്ചോളം സബ്ജക്ട് ഗ്രൂപ്പുകളാണുള്ളത്. കഴിഞ്ഞ പാഠ്യപദ്ധതി​ പരി​ഷ്കരണത്തി​ലെ സാമൂഹ്യാജ്ഞാ നി​ർമ്മി​തി​ വാദത്തിന്റെ തുടർച്ചയായാകും പുതി​യ പരി​ഷ്കരണവും. വി​മർശനാത്മക ബോധത്തി​ലൂന്നി​യ വി​ഷയങ്ങളും വന്നേക്കാം. വളരെ വേഗത്തി​ൽ പ്രകൃതി​യി​ലുണ്ടാകുന്ന മാറ്റങ്ങൾ, സംസ്ഥാനത്തെ സമീപ കാല അനുഭവങ്ങൾ, യുദ്ധത്തി​ന്റെ കെടുതി​കൾ തുടങ്ങി​യവയും പരി​ഗണനാ വി​ഷയങ്ങളാകും പ്രീ സ്‌കൂൾ , സ്‌കൂൾ , അദ്ധ്യാപകർ, മുതിർന്നവർ എന്നീ മേഖലകളിലാണ് പാഠ്യപദ്ധതി ചട്ടക്കൂട് രൂപീകരിക്കുന്നത്. സബ്ജക്ട് ഗ്രൂപ്പുകളി​ൽ ദേശീയ തലത്തി​ൽ ശ്രദ്ധേയരായ വ്യക്തി​കളും അദ്ധ്യാപകരുമുണ്ടാവും.

കരിക്കുലം സ്റ്റിയറിംഗ് കമ്മിറ്റിയുടെ ചെയർപേഴ്സൺ വിഭ്യാഭ്യാസ മന്ത്രിയാണ്. അടൂർ ഗോപാലകൃഷ്ണൻ, മട്ടന്നൂർ ശങ്കരൻ കുട്ടി, പ്രൊഫ. എം.എ ഖാദർ, കെ. സച്ചിദാനന്ദൻ, ഡോ. ബി. ഇക്ബാൽ തുടങ്ങി 71 പേരാണ് കമ്മിറ്റിയിലുള്ളത്. പൊതുവിദ്യാഭ്യാസ പ്രിൻസിപ്പൽ സെക്രട്ടറിയാണ് കരിക്കുലം കോർ കമ്മിറ്റി ചെയർപേഴ്സൺ. മുൻ ഹയർ സെക്കൻഡറി ഡയറക്ടർ പ്രൊഫ. സി.പി ചിത്ര വൈസ് ചെയർപേഴ്സണായ കമ്മിറ്റിയിൽ മേയർ ആര്യാ രാജേന്ദ്രൻ, കണ്ണൂർ ജില്ലാ പഞ്ചായത്ത് പ്രസിഡന്റ് പി.പി ദിവ്യ, ആസൂത്രണ ബോർഡ് അംഗം പ്രൊഫ. മിനി സുകുമാർ, സംസ്ഥാന ശിശുക്ഷേമ സമിതി സെക്രട്ടറി ഡോ. ഷിജു ഖാൻ തുടങ്ങി 32 അംഗങ്ങളാണുള്ളത്.