തിരുവനന്തപുരം: വിവിധ മേഖലകളിൽ മികവ് തെളിയിച്ച വ്യക്തികൾക്ക് കേരളകൗമുദി നൽകി വരുന്ന എക്‌സലൻസ് അവാ‌ർഡ് വിതരണം ഇന്ന് വൈകിട്ട് 5.30ന് സ്റ്റാച്ച്യുവിലെ ഹോട്ടൽ ചിരാക് ഇന്നിൽ മന്ത്രി വി.എൻ. വാസവൻ നിർവഹിക്കും. കേരളകൗമുദി തിരുവനന്തപുരം യൂണിറ്റ് ചീഫ് എസ്. വിക്രമൻ അദ്ധ്യക്ഷനാകും. ഡെപ്യൂട്ടി എഡിറ്റർ എ.സി. റെജി, ഡെപ്യൂട്ടി ജനറൽ മാനേജർ ചന്ദ്രദത്ത് എന്നിവർ സംസാരിക്കും. ഡോ. ഷാജി രാജിന്റെ പുനർജ്ജനി ലൈഫ് സയൻസ് കേരളകൗമുദിയുടെ സഹകരണത്തോടെ സംഘടിപ്പിക്കുന്ന മെഡിക്കൽ ക്യാമ്പിന്റെ സംസ്ഥാനതല ഉദ്ഘാടനവും മന്ത്രി നിർവഹിക്കും.

ജ്യോതിസ് സ്കൂൾ പ്രിൻസിപ്പൽ എൽ. സലിത, ലോർഡ്സ് ഹോസ്പിറ്റൽ ചെയർമാൻ ഡോ. കെ.പി. ഹരിദാസ്, ന്യൂ രാജസ്ഥാൻ മാർബിൾസ് എം.ഡി വിബി രൂപേഷ്, കട്ട്സ് ആൻഡ് കേൾസ് മാനേജിംഗ് പാർട്ട്ണർ മിനി അനിൽകുമാർ, കർണികാർ ക്ലിനിക് എം.ഡി പാർവ്വതി ശ്രീരാജ്, ഡോ. ഷാജി രാജ്, സുരേന്ദ്ര ഗ്രൂപ്പ് എം.ഡി കെ. ഗോപീകൃഷ്ണ, അനോക്‌സൻ ഓവർസീസ് എഡ്യൂക്കേഷൻ എം.ഡി ലക്ഷ്മി സുരേന്ദ്രൻ, ഗാലന്റ് ഐ.എ.എസ് ഡയറക്ടർ ജസ്റ്റിൻ ജോർജ്ജ്, സമൈറ ഗ്രൂപ്പ് എം.ഡി ഷിബു തോമസ്, സോളമൻ അലക്സ്, ചെമ്പക ഗ്രൂപ്പ് ഒഫ് ഇൻസ്റ്റിറ്റ്യൂഷൻസ് ഡയറക്ടർ എൻ. ഷീജ, നിസ്സാൻ മരിക്കാർ ഡയറക്ടർ സുൾഫിക്കർ മരിക്കാർ, കർഷക മോർച്ച ജില്ലാ സെക്രട്ടറി മഞ്ചത്തല സുരേഷ്, സാമൂഹ്യ പ്രവ‌ർത്തകൻ വി.ടി. ചെറിയാൻ എന്നിവർ പുരസ്കാരം ഏറ്റുവാങ്ങും.