തിരുവനന്തപുരം: സംസ്ഥാനത്ത് മികച്ച തൊഴിൽ അന്തരീക്ഷം ഉറപ്പുവരുത്താൻ സർക്കാർ പ്രതിജ്ഞാബദ്ധമാണെന്ന് മന്ത്രി വി.ശിവൻകുട്ടി പറഞ്ഞു. മികച്ച തൊഴിൽ ദാതാക്കൾക്കുള്ള മുഖ്യമന്ത്രിയുടെ തൊഴിൽ എക്സലൻസ് പുരസ്കാരം വിതരണം ചെയ്യുകയായിരുന്നു മന്ത്രി.
കോട്ടയം ഭീമ ജുവലേഴ്സ് (ജുവലറി വിഭാഗം), പാലക്കാട് എം.കെ സിൽക്സ് (ടെക്സ്റ്റൈൽ), തിരുവനന്തപുരം കീസ് ഹോട്ടൽ (ഹോട്ടൽ വിഭാഗം), കോട്ടയം സൂരി ഹോട്ടൽ ആൻഡ് റിസോർട്ട്സ് പ്രൈവറ്റ് ലിമിറ്റഡ് (സ്റ്റാർ ഹോട്ടൽ), പാലക്കാട് സേഫ് സോഫ്റ്റ്‌വെയർ ആൻഡ് ഇന്റഗ്രേറ്റഡ് സൊലൂഷൻസ് (ഐ.ടി എസ്റ്റാബ്ലിഷ്‌മെന്റ്), കൊല്ലം പള്ളിമുക്ക് നെക്സ (ഓട്ടോമൊബൈൽ ഷോറൂം), തിരുവനന്തപുരം ഡി.ഡി.ആർ.സി എസ്.ആർ.എൽ ഡയഗ്‌നോസ്റ്റിക് (മെഡിക്കൽ ലാബ്), തൃശൂർ ആലുക്കാസ് റിയൽട്ടേഴ്സ് ഇന്ത്യ പ്രൈവറ്റ് ലിമിറ്റഡ് (നിർമ്മാണ വിഭാഗം) എന്നിവയാണ് പുരസ്കാരം നേടിയത്. മന്ത്രി അഡ്വ. ആന്റണി രാജു അദ്ധ്യക്ഷനായി.