ചേർത്തല:ദേശീയപാത വികസനത്തിനുള്ള ഭൂമിയേ​റ്റെടുക്കലിലെ പിഴവ് തിരുത്തണമെന്ന് ഉടമകളുടെ കൂട്ടായ്മ ഭാരവാഹികൾ വാർത്താസമ്മേളനത്തിൽ ആവശ്യപ്പെട്ടു. ഭൂമിയുടെ വിസ്തൃതി നിർണയിക്കുന്നതിലും നഷ്ടം തിട്ടപ്പെടുത്തുന്നതിലുമാണ് പിഴവ് സംഭവിച്ചിട്ടുള്ളത്. ഉദ്യോഗസ്ഥരുടെ തെറ്റായ സമീപനം കാരണം ഉടമകൾ കോടതിയെ സമീപിക്കാൻ നിർബന്ധിതരായി. ഭൂമി വിട്ടുകൊടുക്കുന്നതിൽ ഉടമകൾക്ക് എതിർപ്പില്ല. ഒ​റ്റപ്പുന്ന മുതൽ മതിലകം വരെയുള്ള ഭാഗത്താണ് വ്യാപകമായി ആക്ഷേപം നിലനിൽക്കുന്നത്. വാർത്താസമ്മേളനത്തിൽ എം.എം.മോഹൻദാസ്,കെ.വി.ജോർജ്, ജിമ്മി കുന്നുംപുറം, രാജു, മണി എന്നിവർ പങ്കെടുത്തു.