ആലപ്പുഴ: ബൈപ്പാസിൽ കണ്ടെയ്നർ ലോറിയും ബൈക്കും കൂട്ടിയിടിച്ച്​ യുവാവ്​ മരിച്ചു. ആലപ്പുഴ മംഗലം വാർഡ്​ മാലുപറമ്പിൽ പവനന്റെയും രമണിയുടെയും മകൻ നിഥിൻ (23) ആണ് മരിച്ചത്. വിജയ് പാർക്കിന്​ സമീപം വ്യാഴാഴ്ച രാത്രി 11.15നായിരുന്നു അപകടം. കളർകോട്​ സുഹൃത്തിന്റെ ​ജ്യേഷ്ഠന്റെ പിറന്നാളാഘോഷത്തിൽ പ​ങ്കെടുത്ത്​ മടങ്ങിവരുമ്പോൾ നിഥിൻ സഞ്ചരിച്ച ബൈക്ക് തിരുവനന്തപുരത്തേക്ക്​ പോവുകയായിരുന്ന ലോറിയിൽ തട്ടി . തുടർന്ന് ബൈക്കിൽ നിന്ന് വീണ നിഥിന്റെ ശരീരത്തിലൂടെ ലോറി കയറിയിറങ്ങി. വലതു കൈ അറ്റുപോയി. പിന്നാലെ ബൈക്കിലെത്തിയ സുഹൃത്തുക്കൾ മെഡിക്കൽ​ കോളേജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. കയർ ഫാക്ടറി തൊഴിലാളിയായിരുന്നു​. സഹോദരി: നിമ്മി. സംസ്ക്കാരം വീട്ടുവളപ്പിൽ നടത്തി.