അമ്പലപ്പുഴ: എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശന്റെ ധന്യസാരഥ്യത്തി​ന്റെ രജതജൂബിലി ആഘോഷത്തിന്റെ ഭാഗമായി കുട്ടനാട് സൗത്ത് യൂണിയൻ നടപ്പിലാക്കുന്ന 25 ഇന പരിപാടിയുടെ ഭാഗമായി വനിതാ സ്വയം സഹായ സംഘങ്ങൾക്കായി യോഗം ജനറൽ സെക്രട്ടറി അനുവദിച്ച 66 ലക്ഷം രൂപയുടെ മൈക്രോഫിനാൻസ് വായ്പാ വിതരണം നടന്നു . വിതരണോദ്ഘാടനം എസ് .എൻ. ഡി. പി യോഗം ജനറൽ സെക്രട്ടറി വെള്ളാപ്പള്ളി നടേശൻ നിർവഹിച്ചു . സൗത്ത് യൂണിയൻ ചെയർമാൻ ജെ .സദാനന്ദൻ അദ്ധ്യക്ഷനായി. യൂണിയൻ കൺവീനർ അഡ്വ. പി .സു പ്രമോദം സ്വാഗതം പറഞ്ഞു. യൂണിയൻ വനിതാസംഘം വൈസ് പ്രസിഡന്റ് ശ്രീജാ രാജേഷ് ,വനിതാസംഘം ട്രഷറർ വിജയമ്മ രാജൻ , വനിതാ സ്വാശ്രയ സംഘം കൺവീനർമാരായ സുജയ്മോൾ ,രേണുക വിജയമ്മ ,ധന്യ എന്നിവർ പങ്കെടുത്തു.