ചേർത്തല: ബൈക്ക് യാത്രക്കാരനായ യുവാവ് വാഹനാപകടത്തിൽ മരിച്ചു. തണ്ണീർമുക്കം പഞ്ചായത്ത് പത്താം വാർഡ് വെള്ളാപ്പള്ളി ബാലകൃഷ്ണപണിക്കരുടെ മകൻ അജയ് ബി.പണിക്കർ (24) ആണ് മരിച്ചത്. കഴിഞ്ഞ ദിവസം രാത്രി മുട്ടത്തിപ്പറമ്പ് കവലയിലായിരുന്നു അപകടം. അമിത വേഗതയിലെത്തിയ ഇൻസുലേ​റ്റഡ് വാൻ സിഗ്നൽ കാട്ടാതെ ഇടതു ഭാഗത്തേക്ക് തിരിച്ചതോടെ അജയ് സഞ്ചരിച്ച ബൈക്ക് വാനിന് പിന്നിൽ തട്ടുകയായിരുന്നു. എറണാകുളത്തെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. എറണാകുളത്ത് സ്വകാര്യ സ്ഥാപനത്തിലെ ജീവനക്കാരനായ അജയ് ജോലി കഴിഞ്ഞ് വീട്ടിലേയ്ക്ക് മടങ്ങുമ്പോഴായി​രുന്നു അപകടം.മാതാവ് ഹേമലത.സഹോദരങ്ങൾ:അജിത്,അഭിലാഷ്.