ചേർത്തല:തീരദേശപാതയിൽ കൊവിഡിന്റെ പേരിൽ നിർത്തലാക്കിയ പാസഞ്ച, മെമു ട്രെയിനുകൾ പുനഃസ്ഥാപിക്കണമെന്നാവശ്യപ്പെട്ട് ഡി.വൈ.എഫ്.ഐ ചേർത്തല ബ്ലോക്ക് കമ്മിറ്റി ചേർത്തല റെയിൽവേ സ്‌റ്റേഷനിൽ സമരം നടത്തി.
പ്രശ്‌നങ്ങൾ അടിയന്തിരമായി പരിഹരിക്കണമെന്നുകാട്ടി സ്റ്റേഷൻ മാസ്റ്റർക്ക് പരാതി നൽകി. ഡി.വൈ.എഫ്.ഐ സംസ്ഥാന കമ്മിറ്റി അംഗം സി.ശ്യാംകുമാർ സമരം ഉദ്ഘാടനം ചെയ്തു.ടി.എസ്.സുധീഷ് അദ്ധ്യക്ഷനായി. ബ്ലോക്ക് സെക്രട്ടറി ദിനൂപ് വേണു ,അനുപ്രിയ ദിനൂപ്,ജി.ധനേഷ്‌കുമാർ,എസ്.ഷെഫീഖ്, ആശ ഗോപൻ,വിമൽ മോഹൻ,ടി. എസ്. സനോജ്, എ.ആർ.അരുൺകുമാർ, അഖിൽ,യദുകൃഷ്ണൻ എന്നിവർ പങ്കെടുത്തു.