ചെങ്ങന്നൂർ : എറണാകുളം മുക്തിഭവന്റെ സഹകരണത്തോടെ, എസ്.എൻ.ഡി.പി.യോഗം ചെങ്ങന്നൂർ യൂണിയനിൽ വിവാഹപൂർവ്വ കൗൺസിലിംഗ് ക്ലാസ് നാളെയും മറ്റന്നാളുമായി യൂണിയൻ ഷോപ്പിംഗ് കോപ്ലക്സിലെ സരസകവി മൂലൂർ സ്മാരക ഹാളിൽ നടക്കുമെന്ന് യൂണിയൻ കൺവീനർ അനിൽ പി.ശ്രീരംഗം അറിയിച്ചു. ക്ലാസുകളുടെ ഉദ്ഘാടനം നാളെ രാവിലെ പത്തിന് യൂണിയൻ ചെയർമാൻ അനിൽ അമ്പാടി നിർവ്വഹിക്കും. യൂണിയൻ വൈസ് ചെയർമാൻ രാഖേഷ് പി.ആർ., യൂണിയൻ അഡ്.കമ്മിറ്റി അംഗങ്ങളായ കെ.ആർ.മോഹനൻ, എസ്.ദേവരാജൻ, ബി.ജയപ്രകാശ് തൊട്ടാവാടി, സരേഷ് എം.പി., കെ.ആർ.മോഹനൻ കൊഴുവല്ലൂർ, അനിൽ കണ്ണാടി എന്നിവർ സംസാരിക്കും. 17 ന് ഞായറാഴ്ച വൈകിട്ട് 5 നടക്കുന്ന സമാപന സമ്മേളനത്തിൽ പഠിതാക്കൾക്കുള്ള സർട്ടിഫിക്കറ്റുകൾ യൂണിയൻ കൺവീനർ അനിൽ പി.ശ്രീരംഗം വിതരണം ചെയ്യും.

രണ്ട് ദിവസങ്ങളിലായി നടക്കുന്ന ക്ലാസ്സിൽ രാജേഷ് പൊന്മല, സരേഷ് പരമേശ്വരൻ, ഷൈലജാ രവീന്ദ്രൻ, കൊടുവഴങ്ങ ബാലകൃഷ്ണൻ, ഡോ.അനൂപ് വൈക്കം, ഡോ.ശരത് ചന്ദ്രൻ എന്നിവർ ക്ലാസ്സുകൾ നയിക്കും.