ചേർത്തല :ചേർത്തല ഗവ.ഗേൾസ് ഹയർസെക്കൻഡറി സ്‌കൂളിൽ നിറച്ചാർത്ത് ഒരുക്കുന്ന ഒമ്പതാം ക്ലാസുകാരിയുടെ ചിത്രപ്രദർശനമൊരുക്കി ആർട്ടിസ്​റ്റ് എൻ.ഗോപാലകൃഷ്ണൻ മെമ്മോറിയൽ ചാരി​റ്റബിൾ സൊസൈ​റ്റി. സ്‌കൂളിലെ ഒമ്പതാം ക്ലാസുകാരിയും അദ്ധ്യാപകനായ വെച്ചൂർ കാട്ടേഴത്ത് ഷിബുവെച്ചൂരിന്റെയും ആലപ്പുഴ മെഡിക്കൽ കോളേജിലെ ഫാർമസിസ്റ്റ് വി.കെ.ഷീജയുടെയും മകളായ കെ.എസ്.നിളയാണ് നിറച്ചാർത്തൊരുക്കുന്നത്. പഠനത്തിന്റെ ഇടവേളകളിൽ ഒരുക്കിയ 60 ഓളം ചിത്രങ്ങളാണ് പ്രദർശിപ്പിക്കുന്നത്. പ്രായത്തിന്റെ അതിരുകൾ കടന്ന പ്രാധാന്യമുള്ള ചിത്രങ്ങളാണ് നിളയുടേതെന്ന് സൊസൈ​റ്റി ചെയർമാൻ ആർട്ടിസ്​റ്റ് പി.ജി.ഗോപകുമാറും പ്രസിഡന്റ് ആർ.ചന്ദ്രശേഖരനും പറഞ്ഞു.17നും 18നുമായി ചേർത്തല ഗവ. ടൗൺ എൽ.പി സ്‌കൂളിലാണ് പ്രദർശനം.ഇന്ന് രാവിലെ 9ന് സിനിമാതാരം അനൂപ്ചന്ദ്രൻ ഉദ്ഘാടനം ചെയ്യും.ഡോ.തോമസ് വി.പുളിക്കൻ അദ്ധ്യക്ഷനാകും.ചിത്ര രചനയിൽ ചിക്കൂസ് ശിവൻ ക്ലാസെടുക്കും.വൈകിട്ട് ആറുവരെയാണ് പ്രദർശനം.