ചേർത്തല: ദേശീയ പവർലിഫ്റ്റിംഗ് ചാമ്പ്യൻഷിപ്പിൽ സ്വർണം നേടിയ മുഹമ്മ എ.ബി.വിലാസം സ്‌കൂളിലെ പത്താം ക്ലാസ് വിദ്യാർത്ഥിനി എം.ആർ.ആശംസ, പരിശീലകൻ വി.സവിനയൻ എന്നിവരെ സ്‌കൂൾ സ്റ്റാഫും പി.ടി.എ യും ചേർന്ന് അനുമോദിച്ചു. പഞ്ചായത്ത് പ്രസിഡന്റ് സ്വപ്ന ഷാബു ഉദ്ഘാടനം ചെയ്തു. പി.ടി.എ പ്രസിഡന്റ് എൻ.ടി. റെജി അദ്ധ്യക്ഷനായി. ഒളിമ്പ്യൻ കെ.ജെ.മനോജ്‌ലാൽ ഉപഹാരം സമ്മാനിച്ചു. സ്‌കൂൾ മാനേജർ ജെ.ജയലാൽ, കെ.എസ്.ലാലിച്ചൻ, പ്രിൻസിപ്പൽ പി.സജീവ്, പ്രധാനാദ്ധ്യാപിക വി.കെ.ഷക്കീല എന്നിവർ സംസാരിച്ചു.