ആലപ്പുഴ: റവന്യൂ ഡിവിഷണൽ ഓഫീസിൽ സബ് കളക്ടർ സൂരജ് ഷാജിയുടെ നേതൃത്വത്തിൽ നടത്തിയ ഫയൽ അദാലത്തിൽ 117 അപേക്ഷകളിൽ തീർപ്പാക്കി. ഇതോടെ അഞ്ച് അദാലത്തുകളിലായി 1037ഓളം ഫയലുകൾ തീർപ്പാക്കി. 90 ഉത്തരവുകൾ സബ് കളക്ടർ അപേക്ഷകർക്ക് കൈമാറി. നെൽവയൽ തണ്ണീർത്തട സംരക്ഷണ നിയമപ്രകാരം ഭൂമിയുടെ സ്വഭാവ വ്യതിയാനം, ഡാറ്റാബാങ്ക് എന്നിവയുമായി ബന്ധപ്പെട്ട ഫയലുകളാണ് അദാലത്തിൽ ഉൾപ്പെടുത്തിയിരുന്നത്. സീനിയർ സൂപ്രണ്ട് ബി.കവിത, ഡെപ്യൂട്ടി തഹസിൽദാർമാരായ പി.ഡി.സുധി, കെ.വി.ഗിരീശൻ എന്നിവരും അദാലത്തിൽ പങ്കെടുത്തു.