ഹരിപ്പാട്: എസ്. എൻ. ഡി. പി യോഗം 302-ാം നമ്പർ ശാഖയിലെ കുടുംബ യൂണിറ്റിന്റെ ഉദ്ഘാടനം കാർത്തികപള്ളി യൂണിയൻ സെക്രട്ടറി അഡ്വ. ആർ. രാജേഷ് ചന്ദ്രൻ നിർവഹിച്ചു. ശാഖാ പ്രസിഡന്റ് സി. എസ്. ബിനുവിന്റെ അദ്ധ്യക്ഷതയിൽ കൂടിയ യോഗത്തിൽ ശാഖ വൈസ് പ്രസിഡന്റ് ഡി. രാജൻ, കമ്മിറ്റി അംഗങ്ങളായ സാനു, തങ്കച്ചൻ എന്നിവർ സംസാരിച്ചു. ശാഖ സെക്രട്ടറി പ്രദീപ് സ്വാഗതവും വനിതാ സംഘം സെക്രട്ടറി റീന നന്ദിയും പറഞ്ഞു.