ന്യൂഡൽഹി:ലൈംഗിക ഉദ്ദേശ്യത്തോടെ പെൺകുട്ടിയുടെ മാറിടത്തിൽ തൊടുന്നത് പോലും പോക്സോ നിയമമനുസരിച്ച് കുറ്റകൃത്യമാണെന്ന് കൊൽക്കത്ത ഹൈക്കോടതി.

പീഡനക്കേസ് പ്രതിക്കെതിരായ കേസ് പരിഗണിച്ചപ്പോൾ ഡോക്ടർ നൽകിയ തെളിവിൽ പെൺകുട്ടിക്ക് 13 വയസാണെന്നും മാറിടം വികസിച്ചിട്ടില്ലെന്നും മാറിടത്തിൽ പിടിച്ചെന്ന് പൊലീസിന്റെ കുറ്റപത്രത്തിൽ പറയുന്നതിൽ ന്യായമില്ലെന്നും പറഞ്ഞിരുന്നു.

മാറിടം വികസിച്ചിരുന്നോ എന്നത് പ്രശ്നമല്ലെന്നും മാറിടത്തിൽ തൊട്ടത് തെളിഞ്ഞാൽ അത് കുറ്റകൃത്യമാണെന്നും ശിക്ഷ ലഭിക്കുമെന്നും ഹൈക്കോടതി വ്യക്തമാക്കി. പ്രതിക്ക് ലൈംഗിക താല്പര്യം ഉണ്ടായിരുന്നു. പ്രതിക്ക് കോടതി 5 വർഷം ശിക്ഷ വിധിച്ചു.

തന്നെ പ്രതി കടന്ന് പിടിച്ച് ചുംബിച്ച ശേഷം മാറിടത്തിൽ പിടിച്ചതായി പെൺകുട്ടി മൊഴി നൽകിയിരുന്നു. താൻ വീട്ടിൽ തനിച്ചായിരുന്നുവെന്നും പ്രതി അതിക്രമിച്ച് കയറിയതാണെന്നും പറഞ്ഞിരുന്നു.