പറവൂർ: വിഷുവിപണി കീഴടക്കാൻ പറവൂർ കൈത്തറി നെയ്ത്ത് സഹകരണസംഘം ചേന്ദാലൂം റെഡിമെയ്ഡ് ഷർട്ടുകൾ പുറത്തിറക്കി. വൈവിദ്ധ്യമാർന്ന നിറങ്ങളിൽ പുറത്തിറക്കുന്ന ഷർട്ടുകൾ 1100, 1200 വിലകളിൽ ലഭ്യമാകും. സംഘത്തിന്റെ എല്ലാ ഷോറൂമുകളിലും ഷർട്ടുകൾ ലഭിക്കും. മന്ത്രി പി. രാജീവ് ഷർട്ടുകളുടെ വി​പണനോദ്ഘാടനം നിർവഹിച്ചു. സംഘം പ്രസിഡന്റ് ടി.എസ്. ബേബി അദ്ധ്യക്ഷത വഹിച്ചു. അഡ്വ മുജീബ് റഹ്മാൻ, എം.എം. നാസർ, എം.എസ്. തമ്പി, എം.ബി. പ്രിയദർശിനി എന്നിവർ പങ്കെടുത്തു.