ആലുവ: ആലുവ നഗരസഭ ശതാബ്ദി ആഘോഷങ്ങളുടെ ഭാഗമായി 16 തദ്ദേശ സ്വയംഭരണ സ്ഥാപനങ്ങൾ പങ്കെടുക്കുന്ന ശതാബ്ദി കപ്പ് ഫുട്‌ബാൾ ടൂർണമെന്റിൽ ഇന്നലെ നടന്ന പ്രീക്വാർട്ടർ മത്സരത്തിൽ ആതിഥേയരായ ആലുവ നഗരസഭയ്ക്ക് ജയം. കീഴ്മാട് ഗ്രാമപഞ്ചായത്തിനെ മറുപടിയില്ലാത്ത രണ്ട് ഗോളുകൾക്കാണ് പരാജയപ്പെടുത്തിയത്. ഇന്ന് വൈകിട്ട് 3.30ന് ആദ്യ മത്സരത്തിൽ ഏലൂർ മുനിസിപ്പാലിറ്റിയെ നെടുമ്പാശേരി ഗ്രാമപഞ്ചായത്ത് നേരിടും. 4.45ന് രണ്ടാമത്തെ മത്സരത്തിൽ പറവൂർ മുനിസിപ്പാലിറ്റിയുമായി ചൂർണിക്കര പഞ്ചായത്ത് ഏറ്റുമുട്ടും.