ആലുവ: ശക്തമായ കാറ്റിലും മഴയിലും ആലുവ,​ അങ്കമാലി,​ വൈപ്പിൻ,​ നെടുമ്പാശേരി മേഖലയിൽ വ്യാപക കൃഷിനാശം. ആലുവ മേഖലകളിൽ പെയ്ത കനത്ത മഴയിൽ നിരവധി സ്ഥലങ്ങളിൽ മരം മറിഞ്ഞ് നാശമുണ്ടായി. തുരുത്തുമ്മൽ ശ്രീ വീരഭദ്രകാളി ക്ഷേത്ര ഓഫീസിനു മുകളിലേക്ക് തെങ്ങ് വീണു. ജീവനക്കാരും ഭക്തജനങ്ങളും ഈ സമയം ക്ഷേത്രത്തിൽ ഇല്ലാതിരുന്നതിനാൽ അപകടം ഒഴിവായി. ആലുവയിൽ മഴ അര മണിക്കൂർ മാത്രമാണ് നീണ്ടുനിന്നത്. എന്നാൽ ശക്തമായ കാറ്റുണ്ടായിരുന്നു. ദേശീയപാതയിൽ കരിയാട് വളവിൽ റോഡിന് കുറുകെ മരം മറിഞ്ഞു. വിവിധ ഭാഗങ്ങളിൽ മരം മറിഞ്ഞതിനെ തുടർന്ന് അങ്കമാലി ഫയർ ആൻഡ് റെസ്ക്യു ടീം തിരക്കിലായതിനാൽ സമീപത്തെ ഓട്ടോറിക്ഷ ഡ്രൈവർമാരും ചുമട്ടുതൊഴിലാളികളും ചേർന്ന് മരത്തിന്റെ ശിഖിരങ്ങൾ മുറിച്ചുനീക്കി ഗതാഗതത്തിന് സൗകര്യമൊരുക്കി. നെടുമ്പാശേരി പൊലീസും മരം മുറിച്ചുമാറ്റാൻ നേതൃത്വം നൽകി.

ദേശം പറമ്പയം ഭാഗത്ത് ദേശീയപാതയോരത്ത് സ്ഥാപിച്ചിരുന്ന കൂറ്റൻ പരസ്യ ബോർഡ് സമീപത്തെ ജെ.സി.ബി സെയിൽസ് സെന്ററിലേക്ക് മറിഞ്ഞുവീണു. ശക്തമായ കാറ്റിൽ ബോ‌ർഡിൽ ഉണ്ടായിരുന്ന ഫ്ളക്സ് പറന്നുപോകുകയും ഇരുമ്പ് പട്ടയിൽ നിർമ്മിച്ച ചട്ടകൂട് കെട്ടിടത്തിലേക്ക് മറിയുകയുമായിരുന്നു. നെടുമ്പാശേരി മേഖലയിൽ വാപ്പാലശേരി, പുളിയനം, അകപ്പറമ്പ് മേഖലകളിലും മരം മറിഞ്ഞ് നാശനഷ്ടമുണ്ടായി.

കുന്നുകര, ചെങ്ങമനാട്, നെടുമ്പാശ്ശേരി പഞ്ചായത്തുകളിലെ വിവിധ പ്രദേശങ്ങളിൽ കാറ്റ് നാശം വിതച്ചു. ചെങ്ങമനാട് പഞ്ചായത്തിലെ പാലപ്രശ്ശേരി കുന്നത്ത് ഷംസുദ്ദീന്റെ പറമ്പിൽ പൊയ്ക്കാട്ടുശ്ശേരി സ്വദേശി സുകുമാരൻ കൃഷി ചെയ്തിരുന്ന ആയിരത്തോളം ഏത്ത വാഴകൾ ഒടിഞ്ഞു വീണു. ബാങ്കിൽ നിന്നും വായ്പയെടുത്താണ് സുകുമാരൻ വാഴ കൃഷി ചെയ്തിരുന്നത്. കണ്ടകത്ത് ബഷീറിന്റെ പറമ്പിലെ ജാതി, പ്ലാവ് തുടങ്ങിയ മരങ്ങൾ കാറ്റിൽ കടപുഴകി വീണിട്ടുണ്ട്. പ്ലാവ് വീടിന് മുകളിലേയ്ക്കാണ് വീണത്. പനയക്കടവ്, പൊയ്ക്കാട്ടുശ്ശേരി പ്രദേശങ്ങളിലും കാര്യമായ നാശനഷ്ടം സംഭവിച്ചിട്ടുണ്ട്.

നെടുമ്പാശ്ശേരി പഞ്ചായത്തിലെ മേയ്ക്കാട് തേൻകുളം ലെയിനിൽ സി.വൈ. വർഗീസിന്റെ കായ്ച്ചു നിന്നിരുന്ന നാല് ജാതി മരങ്ങൾ വീടിന് മുകളിലേയ്ക്ക് വീണു. പറമ്പിലെ നൂറോളം ഏത്തവാഴകളും ഒടിഞ്ഞു വീണു. ചമ്പന്നൂർ കവയ്ക്ക് സമീപം നിരവധി റബർ മരങ്ങൾ കടപുഴകി വീണു. കുന്നുകര ജംങ്ഷനിലെ ബസ് കാത്തുനിൽപ്പ് കേന്ദ്രം ഭാഗികമായി തകർന്നു. ബസ് കാത്ത് നിന്ന സ്ത്രീകൾ ഭാഗ്യത്തിനാണ് രക്ഷപ്പെട്ടത്. വയൽക്കര, തെക്കെ അടുവാശ്ശേരി, ചുങ്കം, കുറ്റിപ്പുഴ തുടങ്ങിയ പ്രദേശങ്ങളിലും കാറ്റ് നാശം വിതച്ചിട്ടുണ്ട്. വൈദ്യുതി ലൈനിന് മുകളിലേക്ക് മരങ്ങൾ മറിഞ്ഞു വീണതിനെ തുകർന്ന് പലയിടത്തും വൈദ്യുതി വിതരണം ഭാഗികമായി തടസ്സപ്പെട്ടിരിക്കുകയാണ്.

 കാറ്റിൽ വെളിയത്തുനാട്ടിൽ

കനത്ത നാശം

ആലങ്ങാട്: പെരിയാർ തീരത്ത് ആഞ്ഞടിച്ച കാറ്റിൽ കരുമാല്ലൂർ, കുന്നുകര പഞ്ചായത്തുകളിൽ വ്യാപക നാശനഷ്ടം. വെളിയത്തുനാട്ടിൽ ആയിരക്കണക്കിന് ഏത്തവാഴകൾ ഒടിഞ്ഞു വീണു. വൻ മരങ്ങൾ കടപുഴകി. തടിക്കക്കടവ് മുതൽ പറേലിപ്പള്ളം വരെയുള്ള പ്രദേശങ്ങളിലാണ് കൃഷി നാശം. വിഷു വിപണി ലക്ഷ്യമിട്ടു വളർത്തിയ കുലച്ച ഏത്തവാഴകളാണ് ഒടിഞ്ഞു വീണത്. അടുവാതുരുത്ത് അജി, രാജപ്പൻ അകത്തൂട്ട്പറമ്പ്, തടിക്കക്കടര്, ജയൻ മുളവത്ത്, കുഞ്ഞമ്മു, അലി, വയലോടം ചെറയ്ക്കൽ രവി, പറേലിപ്പള്ളത്ത് അഞ്ചുപറ അശോകൻ, ആലുങ്കൽ പറമ്പ് രാജേഷ്, ചിയ്ക്കൽ സക്കീർ, അഷറഫ്, മരങ്ങാട്ട് ഔറംഗസേബ് തുടങ്ങി വ്യാപകമായി വാഴകൃഷി ചെയ്തിരുന്നവർക്കെല്ലാം കനത്ത നഷ്ടമുണ്ടായിട്ടുണ്ട്. തടിക്കക്കടവ് യു.സി കോളേജ് റോഡിരികിൽ ആറ്റിപ്പുഴക്കാവ് ക്ഷേത്രത്തിനു സമീപം വാകമരം കടപുഴകി. റോഡിന് എതിർവശത്തെ പാടശേഖരത്തിലേക്ക് മറിഞ്ഞതിനാൽ അപായം ഒഴിവായി. തടിക്കക്കടവ് സൊസൈറ്റിക്കു പിന്നിലും മരം കടപുഴകി വീണു. രവി നമ്പൂതിരി റോഡിൽ അടയ്ക്കമരം വൈദ്യുത ലൈനിൽ വീണ് പോസ്റ്റുകൾ ഒടിഞ്ഞു. പഞ്ചായത്ത് അംഗങ്ങളായ ജിൽഷ തങ്കപ്പൻ, കെ.എസ്. മോഹൻകുമാർ, വെളിയത്തുനാട് സഹകരണ ബാങ്ക് ഡയറക്ടർ ബോർഡ് അംഗം ആർ. സുനിൽകുമാർ എന്നിവർ കൃഷിനാശമേഖലകൾ സന്ദർശിച്ചു. ചെറായിയിൽ മരങ്ങളും ഇലക്ട്രിക് പോസ്റ്റുകളും വീണു വൈപ്പിൻ: ഇന്നലെ വൈകീട്ട് നാലിന് ശേഷം ആഞ്ഞു വീശിയ കാറ്റിൽ ചെറായി ബേക്കറി പരിസരത്തും പടിഞ്ഞാറ് ഭാഗത്തും ബീച്ചിലും നാശനഷ്ടങ്ങളുണ്ടായി. ബേക്കറി വെസ്റ്റ് റോഡിൽ അഞ്ച് ഇലക്ട്രിക് പോസ്റ്റുകൾ ഒടിഞ്ഞു വീണു. ഈ ഭാഗത്ത് മരങ്ങളും തെങ്ങുകളും മറ്റും ഒടിഞ്ഞു വീണു. ഇതോടെ ചെറായി വടക്കേ ഭാഗത്ത് വൈദ്യുതി നിലച്ചു. ചെറായി പൊയ്‌ലിൽ അഞ്ച് ചീനവലകളും തകർന്നു. പള്ളിപ്പുറം പഞ്ചായത്ത് വൈസ് പ്രസിഡന്റ് എ.എൻ. ഉണ്ണിക്കൃഷ്ണനും കെ.എസ്.ഇ. ബി ജീവനക്കാരും ഉടൻ തന്നെ സ്ഥലത്തെത്തി വൈദ്യുതി പുനസ്ഥാപിക്കാനുള്ള ശ്രമം തുടങ്ങി.കുഴുപ്പിള്ളി ചെറുവൈപ്പ് ക്ഷേത്രത്തിന് മുൻവശം തെങ്ങ് ഇലക്ട്രിസിറ്റി ലൈനിൽ വീണു.

അ​ങ്ക​മാ​ലി​യി​ൽ​

വ്യാ​പ​ക​മാ​യ​ ​നാ​ശ​ന​ഷ്ടം

അ​ങ്ക​മാ​ലി​ ​:​ ​ശ​ക്ത​മാ​യ​ ​മ​ഴ​യി​ലും​ ​കാ​റ്റി​ലും​ ​അ​ങ്ക​മാ​ലി​യി​ലും​ ​പ​രി​സ​ര​ ​പ്ര​ദേ​ശ​ങ്ങ​ളി​ലും​ ​വ്യാ​പ​ക​മാ​യ​ ​നാ​ശ​ ​ന​ഷ്ട​ങ്ങ​ൾ​ ​സം​ഭ​വി​ച്ചു.​ ​ഇ​ന്ന​ലെ​ ​ഉ​ച്ച​ ​ക​ഴി​ഞ്ഞ് ​മൂ​ന്ന് ​മ​ണി​യോ​ടെ​യു​ണ്ടാ​യ​ ​മ​ഴ​യെ​ ​തു​ട​ർ​ന്ന് ​വീ​ശി​യ​ ​കാ​റ്റി​ൽ​ ​പ്ര​ദേ​ശ​ത്ത് ​വി​വി​ധ​യി​ട​ങ്ങ​ളി​ൽ​ ​വ​ൻ​ ​നാ​ശ​ന​ഷ്ട​ങ്ങ​ളാ​ണ് ​ഉ​ണ്ടാ​യ​ത്.​ ​വ്യാ​പ​ക​മാ​യ​ ​കൃ​ഷി​ ​നാ​ശം​ ​സം​ഭ​വി​ച്ചി​ട്ടു​ണ്ട്.​ ​പാ​റ​ക്ക​ട​വ് ​പ​ഞ്ചാ​യ​ത്തി​ലെ​ ​കോ​ടു​ശ്ശേ​രി​ ​വ​ട്ട​പ്പ​റ​മ്പ് ​പു​ളി​യ​നം​ ​മേ​ഖ​ല​യി​ലും​ ​അ​ങ്ക​മാ​ലി​ ​ന​ഗ​ര​സ​ഭ​യി​ലെ​ ​പി​ച്ചാ​നി​ക്കാ​ട്,​ ​ച​മ്പ​ന്നൂ​ർ,​ ​ടെ​ൽ​ക്ക്,​ ​എ​ര​പ്പോ​ട്,​ ​വി.​ഐ.​പി​ ​റോ​ഡ്,​ ​ദീ​പ്തി​ ,​റ​യി​ൽ​ ​സ്റ്റേ​ഷ​ൻ​ ​ജം​ഗ്ഷ​ൻ​ ​ബ​സ​ലി​ക്ക​ ​ന​ഗ​ർ​ ​എ​ന്നി​വി​ട​ങ്ങ​ളി​ലാ​ണ് ​നാ​ശ​ന​ഷ്ട​മു​ണ്ടാ​യ​ത്.​ 200​ ​ഓ​ളം​ ​വൈ​ദ്യു​തി​ ​പോ​സ്റ്റു​ക​ൾ​ ​ഒ​ടി​ഞ്ഞു.​ ​നൂ​റി​ലേ​റെ​ ​വീ​ടു​ക​ൾ​ക്ക് ​കേ​ടു​പാ​ടു​ക​ൾ​ ​സം​ഭ​വി​ച്ചു.​ ​നൂ​റു​ ​ക​ണ​ക്കി​ന് ​മ​ര​ങ്ങ​ൾ​ ​ക​ട​പു​ഴ​കി​ ​മ​റി​ഞ്ഞു.
ദേ​ശീ​യ​ ​പാ​ത​യി​ൽ​ ​ടെ​ൽ​ക്കി​ന് ​സ​മീ​പം​ ​ഓ​ടി​ ​കൊ​ണ്ടി​രു​ന്ന​ ​മാ​രു​തി,​ ​സ്വി​ഫ്റ്റ് ​കാ​റു​ക​ൾ​ക്ക് ​മു​ക​ളി​ലേ​ക്ക് ​തേ​ക്ക് ​മ​രം​ ​ക​ട​പ്പു​ഴ​കി​ ​വീ​ണ് ​അ​പ​ക​ട​മു​ണ്ടാ​യെ​ങ്കി​ലും​ ​യാ​ത്ര​ക്കാ​ർ​ ​അ​ത്ഭു​ത​ക​ര​മാ​യി​ ​ര​ക്ഷ​പ്പെ​ട്ടു.​ ​നി​റു​ത്തി​യി​ട്ട​ ​കാ​റി​ന് ​മു​ക​ളി​ലേ​ക്ക് ​ബോ​ർ​ഡും​ ​ഫ്ര​യി​മും​ ​വീ​ണ് ​നാ​ശം​ ​സം​ഭ​വി​ച്ചു.​ ​അ​ങ്ക​മാ​ലി​ ​സെ​ന്റ് ​ജോ​സ​ഫ് ​സ്കൂ​ളി​ന് ​സ​മീ​പം​ ​വ​ലി​യ​ ​ബോ​ർ​ഡു​ക​ൾ​ ​നി​ലം​ ​പൊ​ത്തി.​ ​വൈ​ദ്യു​ത​ ​പോ​സ്റ്റു​ക​ൽ​ ​മ​റി​ഞ്ഞു​ ​വീ​ണ് ​വൈ​ദ്യു​ത​ബ​ന്ധ​വും​ ​താ​റു​മാ​റാ​യി.​ ​ഗ​താ​ഗ​തം​ ​ത​ട​സ​പ്പെ​ട്ടു.
കെ.​എ​സ്.​ഇ.​ബി​ ​ജീ​വ​ന​ക്കാ​ർ​ ​സ്ഥ​ല​ത്തെ​ത്തി​യാ​ണ് ​ഇ​വി​ടെ​ ​സു​ര​ക്ഷാ​ ​ക്ര​മീ​ക​ര​ണ​ങ്ങ​ൾ​ ​ഏ​ർ​പ്പെ​ടു​ത്തി​യ​ത്.​ ​വ്യാ​പ​ക​മാ​യി​ ​മ​ര​ങ്ങ​ൾ​ ​ക​ട​പ്പു​ഴ​കി​യും​ ​ഒ​ടി​ഞ്ഞു​വീ​ണും​ ​കി​ട​ക്കു​ക​യാ​ണ്.​ ​വൈ​ദ്യു​തി​ ​പു​ന​സ്ഥാ​പി​ക്കാ​നും​ ​മ​ര​ങ്ങ​ൾ​ ​നീ​ക്കാ​നു​മു​ള്ള​ ​ശ്ര​മ​ങ്ങ​ൾ​ ​പു​രോ​ഗ​മി​ക്കു​ക​യാ​ണ്.