കൊച്ചി: ആവശ്യത്തിന് നദികളും അത്യാവശ്യത്തിന് മഴയും ഉണ്ടായിട്ടും കുടിവെള്ളത്തിനായി കേരളത്തിലെ ജനങ്ങൾക്ക് പരക്കംപായേണ്ടിവരുന്നത് പരിതാപകരമാണെന്ന് കുഫോസ് വൈസ് ചാൻസലർ ഡോ.കെ. റിജി ജോൺ പറഞ്ഞു.

അന്താരാഷ്ട പുസ്തകോത്സവ വേദിയിൽ 'വനസംരക്ഷണം" ചർച്ച ഉദ്ഘാടനം ചെയ്യുകയായിരുന്നു അദ്ദേഹം. ഗണപതി ഹെഗ്‌ഡേ, ഡോ.എൻ.സി. ഇന്ദുചൂഡൻ,​ഡോ.സി.എം. ജോയ്,​ രാജേഷ് ചന്ദ്രൻ എന്നിവർ സംസാരിച്ചു.

എറണാകുളത്തപ്പൻ മൈതാനത്ത് നടക്കുന്ന പുസ്തകമേളയിൽ തിരക്കേറി. ഇരുനൂറിലധികം പ്രസാധകരാണ് പുസ്തകോത്സവത്തിൽ പങ്കെടുക്കുന്നത്. അറുപതോളം പുസ്തകങ്ങൾ ചടങ്ങിൽ പ്രകാശനം ചെയ്തു. വിവിധ വിഷയങ്ങളിൽ സെമിനാറുകൾ നടന്നു. ഞായറാഴ്ചയാണ് സമാപനം.