കോലഞ്ചേരി: മലങ്കരസഭ കേസിൽ പൊതുജനാഭിപ്രായം ക്ഷണിച്ചു കൊണ്ട് സർക്കാർ വിജ്ഞാപനം പുറപ്പെടുവിച്ചതിലുള്ള പ്രതിഷേധം ഓർത്തഡോക്സ് കണ്ടനാട് വെസ്​റ്റ് ഭദ്രാസന പൊതുയോഗം രേഖപ്പെടുത്തി. കോലഞ്ചേരി പ്രസാദം സെന്ററിൽ ഭദ്രാസന സെകട്ടറി ഫാ. ജോസ് തോമസ് പൂവത്തുങ്കൽ അദ്ധ്യക്ഷനായി. മാനേജിംഗ് കമ്മി​റ്റി അംഗവും ഭദ്രാസന കൗൺസിൽ അംഗവുമായ അജു മാത്യു പുന്നയ്ക്കൽ, കോലഞ്ചേരി പള്ളി വികാരി ഫാ. ജേക്കബ് കുര്യൻ, വികാരിമാരായ ജോൺ തേനുങ്കൽ, റോബിൻ മർക്കോസ്, ജസ്​റ്റിൻ തോമസ്, അഡ്വ. മാത്യു പി. പോൾ, റോയി കെ. വർഗീസ്, സജി വർക്കിച്ചൻ തുടങ്ങിയവർ സംസാരിച്ചു. സുപ്രീം കോടതി വിധി അട്ടിമറിക്കുവാനുള്ള സർക്കാർ നിലപാടിനെതിരെ വിപുലമായ പ്രതിഷേധ പരിപാടികൾ നടത്താൻ പൊതുയോഗം തീരുമാനിച്ചു.