പറവൂർ: വടക്കേക്കര സർവീസ് സഹകരണബാങ്കിൽ സഹകരണം സൗഹൃദം പദ്ധതി മുൻ ജില്ലാബാങ്ക് ഡയറക്ടർ ടി.ആർ. ബോസ് ഉദ്ഘാടനം ചെയ്തു. ബാങ്ക് പ്രസിഡന്റ് ആർ.കെ. സന്തോഷ് അദ്ധ്യക്ഷത വഹിച്ചു. പറവൂർ ബ്ലോക്ക് പഞ്ചായത്ത് പ്രസിഡന്റ് സിംന സന്തോഷ് ഉത്സവകാല ചന്തയും സഹകരണ സാന്ത്വനം പദ്ധതി പഞ്ചായത്ത് പ്രസിഡന്റുമാരായ രശ്മി അനിൽകുമാർ, ശാന്തിനി ഗോപകുമാർ എന്നിവർ ചേർന്നും ഉത്സവകാല വായ്പാ വിതരണം മുൻജില്ലാ ബാങ്ക് ഡയറക്ടർ കെ.ബി. അറുമുഖനും ഉദ്ഘാടനം ചെയ്തു. ബാങ്ക് സെക്രട്ടറി ടി.ജി. മിനി, ഭരണസമിതി അംഗങ്ങൾ എന്നിവർ പങ്കെടുത്തു.