പറവൂർ: വടക്കേക്കര വിജ്ഞാനപ്രകാശകസംഘം ചക്കുമരശേരി ശ്രീകുമാരഗണേശമംഗലം മഹാക്ഷേത്രത്തിൽ ആറാട്ട് മഹോത്സവം നാളെ നടക്കും. പള്ളിവേട്ട മഹോത്സവദിനമായ ഇന്ന് പുലർച്ചെ നാലിന് വിഷുക്കണി ദർശനം, രാവിലെ പതിനൊന്നിനും വൈകിട്ട് നാലിനും കുറിച്ചിത്താനം ജയകുമാറും സംഘത്തിന്റെ ഓട്ടൻതുള്ളൽ, ദീപാരാധനയ്ക്കുശേഷം മോതിരംവച്ച് തൊഴൽ, ഏഴിന് സിനിമാ - സീരിയൽ താരങ്ങൾ അവതരിപ്പിക്കുന്ന വൺമാൻഷോ, രാത്രി പത്തിന് പള്ളിവേട്ട.

നാളെ രാവിലെ എട്ടിന് എഴുന്നള്ളിനുള്ള തിടമ്പ് നിർണയം തുടർ‌ന്ന് കാഴ്ചശ്രീബലി, വൈകിട്ട് നാലിന് പകൽപ്പൂരം, തെക്കേചേരുവാരത്തിന് ചോറ്റാനിക്കര സുഭാഷ് നാരായണൻ, വടക്കേചേരുവാരത്തിന് ചേന്ദമംഗലം രഘുമാരാർ എന്നിവരുടെ നേതൃത്വത്തിൽ മേജർസെറ്റ് പഞ്ചവാദ്യം, അഞ്ചിന് കുടമാറ്റം, അഞ്ചരക്ക് കൂട്ടിഎഴുന്നള്ളിപ്പ്, രാത്രി ഒമ്പതിന് വർണവിസ്മയം, പുലർച്ചെ ആറാട്ട് എഴുന്നള്ളിപ്പ്, പഞ്ചവിംശതി കലശാഭിഷേകം, ശ്രീഭൂതബലി എന്നിവയ്ക്കുശേഷം കൊടിയിറങ്ങും.