പെരുമ്പാവൂർ: ജില്ലാപഞ്ചായത്ത് വെങ്ങോല ഡിവിഷനിലെ ഓണംകുളം -ടാങ്ക്‌സിറ്റി റോഡിന്റെ ഉദ്ഘാടനം ജില്ലാപഞ്ചായത്ത് അംഗം പി.എം. നാസർ നിർവഹിച്ചു. വെങ്ങോല പഞ്ചായത്ത് പ്രസിഡന്റ് എൻ.ബി ഹമീദ് അദ്ധ്യക്ഷത വഹിച്ചു. വെങ്ങോല പഞ്ചായത്ത് സ്റ്റാൻഡിംഗ് കമ്മിറ്റി ചെയർമാൻ ടി.എം ജോയ്, പഞ്ചായത്ത് അംഗങ്ങളായ രാജിമോൾ രാജൻ, ലക്ഷ്മി റെജി, ആതിര, രേഷ്മ അരുൺ, ഡോ. രഞ്ജിത്, സന്തോഷ് വർഗീസ്, സണ്ണി തുരുത്തിയിൽ തുടങ്ങിയവർ പങ്കെടുത്തു. നാല് വാർഡുകളിലൂടെ കടന്നുപോകുന്ന ഈ റോഡിന് ജില്ലാ പഞ്ചായത്ത് 66 ലക്ഷം രൂപ ചെലവഴിച്ചാണ് നവീകരണപ്രവൃത്തി നടത്തിയത്.