കളമശേരി: മൊബൈൽ ഫോൺ മോഷ്ടിച്ച കേസിൽ പെരുമ്പാവൂർ തണ്ടേക്കാട് പാറയിൽ വീട്ടിൽ ഷാനവാസി (49)നെ കളമശേരി പൊലീസ് അറസ്റ്റ് ചെയ്തു. ഫെബ്രുവരി 19ന് ലുലു മാളിലെ മെറി ബോയ് ഐസ്ക്രീം പാർലറിലെ ടീം ലീഡറായ ഹാഷിമിന്റെ 30,000 രൂപ വിലവരുന്ന മൊബൈൽ ഫോണാണ് മോഷ്ടിച്ചത്. കഴിഞ്ഞ വെള്ളിയാഴ്ച വീണ്ടും കടയുടെ മുന്നിലെത്തിയ ഷാനവാസിനെ ജീവനക്കാർ തിരിച്ചറിഞ്ഞു. പഴയ സി.സി.ടി.വി ദൃശ്യങ്ങൾ പരിശോധിച്ച് ആളെ ബോധ്യപ്പെട്ടതിനെ തുടർന്ന് പൊലീസിനെ വിവരമറിയിക്കുകയായിരുന്നു. മൊബൈൽ ഫോൺ ഇയാളുടെ വീട്ടിൽ നിന്ന് കണ്ടെടുത്തു. പ്രതിയെ റിമാൻഡ് ചെയ്തു.