കോലഞ്ചേരി: പുറ്റുമാനൂർ വേളൂരിൽ ഇടിമിന്നലേറ്റ് വീടിന്റെ ഒരുഭാഗം തകർന്നു. പേന്താലയിൽ ഏലിയാമ്മയുടെ വീടിനാണ് ഞായറാഴ്ച രാത്രി ഇടിയേറ്റത്. സിറ്റൗട്ടിലുണ്ടായി​രുന്ന ഫർണി​ച്ചർ പൂർണമായും കത്തിനശിച്ചു. ഏലിയാമ്മയും സഹായിയും വീടിനുള്ളിലുണ്ടായിരുന്നു. വീട‌ിന് മുന്നിലൂടെ പോയ വഴിയാത്രക്കാരാണ് ഫർണി​ച്ചർ കത്തുന്നത് കണ്ട് വീട്ടുകാരെ വിവരമറിയിച്ചത്. വീടിന്റെ മുൻഭാഗത്തെ ജനലുകൾ പൊട്ടിയിട്ടുണ്ട്. ടിവി, ഫാനുകൾ, ലൈറ്റ് ഫിറ്റിംഗ്സുകൾ എന്നി​വ കത്തിനശിച്ചു. വയറിംഗിനും കേടുപാടുണ്ട്.