സഹകരണ എക്‌സ്‌പോയ്ക്ക് കൊച്ചിയിൽ തുടക്കം
കൊച്ചി: എല്ലാമേഖലയിലും സഹകരണ പ്രസ്ഥാനങ്ങൾ ജനപിന്തുണയോടെ വ്യാപിക്കുകയാണെന്ന് എറണാകുളം മറൈൻ ഡ്രൈവിൽ സഹകരണ എക്‌സ്‌പോ 2022 ഓൺലൈനിലൂടെ ഉദ്ഘാടനം ചെയ്ത മുഖ്യമന്ത്രി പിണറായി വിജയൻ പറഞ്ഞു.
സമസ്ത മേഖലകളിലും കരുത്ത് തെളിയിച്ച് മുന്നേറുകയാണ് സഹകരണ മേഖലയെന്ന് അദ്ധ്യക്ഷത വഹിച്ച സഹകരണ വകുപ്പ് മന്ത്രി വി.എൻ. വാസവൻ പറഞ്ഞു.
ഫെസ്റ്റിവൽ ബുക്കിന്റെ പ്രകാശനം മന്ത്രി വാസവൻ കൊച്ചി മേയർ അഡ്വ. എം. അനിൽ കുമാറിന് നൽകി നിർവഹിച്ചു. ഡെയ്‌ലി ബുള്ളറ്റിൻ ടി.ജെ വിനോദ് എംഎൽഎയ്ക്ക് നൽകി മന്ത്രി പി. രാജീവ് പ്രകാശനം ചെയ്തു.
എം.എൽ.എമാരായ കെ.എൻ. ഉണ്ണികൃഷ്ണൻ, കെ.ജെ. മാക്‌സി, വി. ജോയ്, സഹകരണ വകുപ്പ് സെക്രട്ടറി മിനി ആന്റണി, ജില്ലാ കളക്ടർ ജാഫർ മാലിക്, കേരള ബാങ്ക് പ്രസിഡന്റ് ഗോപി കോട്ടമുറിക്കൽ, സഹ. യൂണിയൻ സംസ്ഥാന ചെയർമാൻ കോലിയക്കോട് എൻ. കൃഷ്ണൻ നായർ, സഹകരണ ഓഡിറ്റ് ഡയറക്ടർ എം.എസ്. ഷെറിൻ, കോർപ്പറേഷൻ കൗൺസിലർ മനു ജേക്കബ് തുടങ്ങിയവർ പങ്കെടുത്തു.