പെരുമ്പാവൂർ: എറണാകുളം ജില്ലാ പഞ്ചായത്ത് 10 ലക്ഷം രൂപ ചെലവഴിച്ച് കൂവപ്പടി പഞ്ചായത്തിലെ ചേരാനല്ലൂർ ഗവ. ഹയർ സെക്കൻഡറി സ്‌കൂളിൽ നിർമ്മിക്കുന്ന ടോയ്ലെറ്റ് ബ്ളോക്ക് നിർമ്മാണോദ്ഘാടനം ജില്ലാ പഞ്ചായത്ത് അംഗം മനോജ് മൂത്തേടൻ നിർവഹിച്ചു. പഞ്ചായത്ത് പ്രസിഡന്റ് മിനി ബാബു അദ്ധ്യക്ഷത വഹിച്ചു. വാർഡ് അംഗം എം.ഒ. ജോസ്, പ്രിൻസിപ്പൽ എസ്.കെ. മാലിനി, പ്രധാന അദ്ധ്യാപിക എം.ജി. അനിത, പി.ടി.എ പ്രസിഡന്റ് ചാർളി തോമസ്, വൈസ് പ്രസിഡന്റ് കെ.ഒ. ഫ്രാൻസിസ് തുടങ്ങിയവർ പ്രസംഗിച്ചു.