പള്ളുരുത്തി: ഇടക്കൊച്ചി പൊതുനിരത്തിൽ വൻതോതിൽ കക്കൂസ് മാലിന്യം തള്ളിയതായി കണ്ടെത്തി. അക്വിനാസ് കോളേജിനു മുൻവശത്താണിത്. അസഹ്യ ദുർഗന്ധംമൂലം പ്രദേശവാസികളും കോളേജിലെത്തുന്ന വിദ്യാർത്ഥികളും ദുരിതത്തിലായി.

പകർച്ചവ്യാധി ഭീഷണിയുമുണ്ട്. കക്കൂസ് മാലിന്യം ശേഖരിക്കുന്ന ഒട്ടേറെ ടാങ്കർ ലോറികൾ പകൽ ഈ ഭാഗത്ത് പാർക്ക് ചെയ്യുന്നുണ്ട്. രാത്രിയിൽ കാനകളിലേക്ക് മാലിന്യം തള്ളുന്നുവെന്ന പരാതിയുണ്ട്. ഇതിനിടെയാണ് പൊതുനിരത്തിൽ കക്കൂസ് മാലിന്യം നിക്ഷേപിച്ചത്. കൗ​ൺ​സി​ല​ർ ജീജ ടെൻസൺ ന​ൽ​കി​യ പ​രാ​തി​യെ ​തു​ട​ർ​ന്ന് പള്ളുരുത്തി പൊ​ലീ​സ് സ്ഥലത്തെത്തി. റോഡരികിൽ അനധികൃതമായി പാർക്ക് ചെയ്യുന്ന വാഹനങ്ങൾക്കെതിരെ നടപടിയെടുക്കുമെന്ന് പൊലീസ് പറഞ്ഞു. മാലിന്യം തള്ളിയ ടാങ്കർ ലോറികൾ കണ്ടെത്തിയിട്ടുണ്ട്. ന​ഗ​ര​സഭാ ആരോഗ്യ വിഭാഗവും അന്വേഷണം ആരംഭിച്ചു.