കൊച്ചി: കേരളത്തിൽ ജോലിചെയ്യുന്ന അന്യസംസ്ഥാന തൊഴിലാളികൾക്കുള്ള ഹോസ്റ്റലിന്റെ ശിലാസ്ഥാപനം 25ന് വൈകിട്ട് 5.30ന് കളമശേരി കിൻഫ്ര ഹൈടെക് പാർക്കിൽ മന്ത്രി വി.ശിവൻകുട്ടി നിർവഹിക്കും. പൊതുമേഖലാ സ്ഥാപനമായ ഭവനം ഫൗണ്ടേഷൻ കേരള(ബി.എഫ്‌. കെ)യുടെ നേതൃത്വത്തിൽ അപ്നാ ഘർ പദ്ധതി പ്രകാരം 534 കിടക്കകളോടുകൂടിയ ഹോസ്റ്റൽ സമുച്ചയമാണ് നിർമ്മിക്കുന്നത്. മന്ത്രി പി.രാജീവ് അദ്ധ്യക്ഷനാകുന്ന ചടങ്ങിൽ ഹൈബി ഈഡൻ എം.പി, തൊഴിലും നൈപുണ്യവും വകുപ്പ് സെക്രട്ടറി മിനി ആന്റണി, കിൻഫ്ര മാനേജിംഗ് ഡയറക്ടർ സന്തോഷ് കോശി തോമസ് എന്നിവർ മുഖ്യാതിഥികളാകും. ജില്ലാ പഞ്ചായത്ത് പ്രസിഡന്റ് ഉല്ലാസ് തോമസ് പങ്കെടുക്കും.