കൊച്ചി: സഹൃദയയും ഫാമിലി പ്ലാനിംഗ് അസോസിയേഷൻ ഒഫ് ഇന്ത്യയും സംയുക്തമായി സ്ത്രീകൾക്ക് സൗജന്യ കാൻസർ നിർണയ ക്യാമ്പ് സംഘടിപ്പിച്ചു. ഞാറയ്ക്കൽ സെന്റ് മേരീസ് പള്ളി ഹാളിൽ നടന്ന ക്യാമ്പ് കെ.എൻ.ഉണ്ണികൃഷ്ണൻ എം.എൽ.എ ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്റ് ടി.ടി.ഫ്രാൻസിസ് അദ്ധ്യക്ഷനായി.

സഹൃദയ ഡയറക്ടർ ഫാ.ജോസ് കൊളുത്തുവെള്ളിൽ, വികാരി ഫാ.ജോസഫ് കരുമത്തി എന്നിവർ പ്രസംഗിച്ചു. ഫാമിലി പ്ലാനിംഗ് അസോസിയേഷൻ മാനേജർ ഡോ.ശോഭ മാത്യു ക്ലാസ് നയിച്ചു. സഹൃദയ ആരോഗ്യ വിഭാഗം കോ-ഓർഡിനേറ്റർ സിസ്റ്റർ ജയ്‌സി ജോൺ, റീജണൽ കോ-ഓർഡിനേറ്റർ സെലിൻ പി.വി. എന്നിവർ സംസാരിച്ചു.