പെരുമ്പാവൂർ: പെരുമ്പാവൂരിന്റെ ഹൃദയഭാഗത്ത് എല്ലാ സൗകര്യങ്ങളോടുംകൂടിയ ചിൽഡ്രൻസ് പാർക്ക് യഥാർത്ഥ്യമാകുന്നു. എൽദോസ് കുന്നപ്പിള്ളി എം.എൽ.എയുടെ 2020-2021 വർഷത്തെ ആസ്തിവികസന ഫണ്ടിൽനിന്നാണ് പാർക്ക് നിർമ്മാണം. നഗരസഭെ പരിധിയിൽ പട്ടാലിനുസമീപം പെരിയാർവാലിയുടെ അധീനതയിലുള്ള അൻപത് സെന്റ് സ്ഥലത്താണ് പാർക്ക് നിർമ്മാണം പുരോഗമിക്കുന്നത്. മേയ്ആദ്യം പൊതുജനങ്ങൾക്ക് തുറന്ന് കൊടുക്കുന്നത് ലക്ഷ്യമായിട്ടാണ് നിർമ്മാണ പ്രവർത്തനങ്ങൾ മുന്നേറുന്നത്.
തിരുവനന്തപുരം ആസ്ഥാനമാക്കി പ്രവർത്തിക്കുന്ന അഗ്രി ഹോർട്ടി സൊസൈറ്റിയാണ് പാർക്കിന്റെ നിർമാണ പ്രവർത്തനങ്ങൾക്ക് നേതൃത്വം നൽകുന്നത്.