കൊച്ചി: ഏഴ് ദിവസങ്ങളിലായി എറണാകുളം മറൈൻഡ്രൈവിൽ നടന്ന സഹകരണ എക്സ്പോ 2022മായി ബന്ധപ്പെട്ട് സംസ്ഥാന സഹകരണ വകുപ്പ് ഏർപ്പെടുത്തിയ മികച്ച റിപ്പോർട്ടർക്കുള്ള പുരസ്‌കാരം കേരളകൗമുദി കൊച്ചി യൂണിറ്റിലെ സീനിയർ റിപ്പോർട്ടർ അരുൺ പ്രസന്നന്. 10,000രൂപയും ഫലകവും പ്രശസ്തിപത്രവും അടങ്ങുന്ന പുരസ്‌കാരം എക്സ്പോ സമാപന വേദിയിൽ സഹകരണ വകുപ്പ് മന്ത്രി വി.എൻ. വാസവൻ സമ്മാനിച്ചു.
സമഗ്ര കവറേജ് - സിറാജ് ദിനപ്പത്രം, സമഗ്ര കവറേജ് പ്രത്യേക പരാമർശം - ദേശാഭിമാനി, മികച്ച ഫോട്ടോഗ്രാഫർ - മനുഷെല്ലി (മെട്രൊവാർത്ത), മികച്ച ദൃശ്യമാദ്ധ്യമം - കൈരളി ടി.വി, ദൃശ്യമാദ്ധ്യമ റിപ്പോർട്ടർ - അരുൺ രാജ് (24 ന്യൂസ്), കാമറപേഴ്സൺ - രമേശ് മണി (എം.എം.ടി.വി) എന്നിവയാണ് മറ്റ് പുരസ്‌കാരങ്ങൾ.