തൃപ്പൂണിത്തുറ: എസ്.എൻ.ഡി.പി. യോഗം കെ.ആർ. നാരായണൻ സ്മാരക തലയോലപ്പറമ്പ് യൂണിയനിലെ കാഞ്ഞിരമറ്റം- അമ്പല്ലൂർ ശാഖാ യോഗത്തിൽ പ്രവർത്തിക്കുന്ന വനിതാ സംഘത്തിന്റെ വാർഷികവും ഭരണസമിതി തിരഞ്ഞെടുപ്പു പൊതുയോഗവും യൂണിയൻ സെക്രട്ടറി അഡ്വ. എസ്.ഡി. സുരേഷ് ബാബു ഉദ്ഘാടനം ചെയ്തു. യൂണിയൻ പ്രസിഡന്റ്‌ ഈ.ഡി. പ്രകാശൻ മുഖ്യ പ്രഭാഷണം നടത്തി. വനിതാ സംഘം യൂണിയൻ പ്രസിഡന്റ്‌ ജയ അനിൽ അദ്ധ്യക്ഷത വഹിച്ചു. പ്രസിഡന്റ്‌ സുബോധിനി ദിവാകരൻ സ്വാഗതം ആശംസിച്ചു. സെക്രട്ടറി വിജയമ്മ ഗോപി റിപ്പോർട്ടും കണക്കും അവതരിപ്പിച്ചു. ഭാരവാഹികൾ മഞ്ജു മഹേഷ് (പ്രസിഡന്റ്), സുജാ ഗിരിജൻ (വൈസ് പ്രസിഡന്റ്), ദീപ ബാബു (സെക്രട്ടറി), ജീഷ കാർത്തികേയൻ (ജോയിന്റ് സെക്രട്ടറി) ഷീമോൾ പ്രകാശ് (യൂണിയൻ കമ്മിറ്റി), കമ്മിറ്റി അംഗങ്ങളായി കുഞ്ഞു പെണ്ണ് കൃഷ്ണൻകുട്ടി, ഓമന ശശി, മായ രാജൻ, രേണുക രവിന്ദ്രൻ, ഉഷ രാജു എന്നിവരെ തിരഞ്ഞെടുത്തു. വനിതാ സംഘം യൂണിയൻ സെക്രട്ടറി ധന്യ പുരുഷോത്തമൻ തിരഞ്ഞെടുപ്പിൽ വരണാധികാരിയായിരുന്നു. ശ്രീനാരായണ ധർമ്മ പ്രകാശിനി പ്രസിഡന്റ് എൻ.സി. ദിവാകരൻ, സെക്രട്ടറി സി.കെ. രാജേന്ദ്രൻ തുടങ്ങിയവർ പ്രസംഗിച്ചു. വൈസ് പ്രസിഡന്റ്‌ സുജ ഗിരിജൻ കൃതജ്ഞത പ്രകാശിപ്പിച്ചു.