തിരുവനന്തപുരം: പഠിച്ച സ്‌കൂളുകൾക്ക് ലക്ഷങ്ങളുടെ സഹായം പ്രഖ്യാപിച്ച് ആന്ധ്രപ്രദേശ് മുൻ ഡി.ജി.പിയും മലയാളിയുമായ എ.പി രാജൻ.

പുനലൂർ മണ്ഡലത്തിലെ സർക്കാർ സ്‌കൂളുകൾക്കാണ് സഹായം. അയിലറ ഗവ.എൽ.പി.എസിന് 5 ലക്ഷം രൂപയും, ഏരൂർ ഗവ.എ.ച്ച്.എസിന് 10 ലക്ഷം രൂപയും, അഞ്ചൽ ഈസ്റ്റ് ഗവ.എച്ച്.എസിന് 15 ലക്ഷം രൂപയുമാണ് നൽകുന്നത്. ചെക്ക് പുനലൂർ എം.എൽ.എ പി.എസ് സുപാലിന്റെ സാന്നിദ്ധ്യത്തിൽ എ.പി രാജൻ മന്ത്രി വി.ശിവൻകുട്ടിക്ക് കൈമാറി.

മാതൃകാപരമായ പ്രവർത്തനമാണ് മുൻ ഡി.ജി.പി നടത്തിയതെന്ന് ശിവൻകുട്ടി പറഞ്ഞു. സാധാരണക്കാരുടെ മക്കൾ പഠിക്കുന്ന സ്‌കൂളുകളിലെ വിദ്യാർത്ഥികളെ സഹായിക്കാൻ കൂടുതൽ പേർ മുന്നോട്ട് വരട്ടെയെന്നും അദ്ദേഹം പറഞ്ഞു.

ഫോട്ടോ കാപ്‌ഷൻ: ആന്ധ്രപ്രദേശ് മുൻ ഡി.ജി.പിയും മലയാളിയുമായ എ.പി രാജൻ മന്ത്രി വി.ശിവൻകുട്ടിക്ക് ധനസഹായം കൈമാറുന്നു.പുനലൂർ എം.എൽ.എ പി.എസ് സുപാൽ സമീപം