പീരുമേട്: മുഖ്യമന്ത്രിയുടെ നൂറു ദിന പരിപാടിയിൽ ഉൾപ്പെടുത്തി പീരുമേട് താലൂക്ക് കാർഷിക വികസന ബാങ്കിന്റെ ഉടമസ്ഥതയിൽ പീരുമേട്ടിൽ നീതി മെഡിക്കൽ സ്റ്റോർ പ്രവർത്തനം ആരംഭിച്ചു. എം.എം.മണി എം.എൽ.എ ഉദ്ഘാടനം നിർവഹിച്ചു. ആദ്യവിൽപ്പന പീരുമേട് പഞ്ചായത്ത് പ്രസിഡന്റ് എസ്. സാബു നിർവഹിച്ചു. ബാങ്ക് പ്രസിഡന്റ് ആർ. തിലകന്റെ അദ്ധ്യക്ഷതയിൽ ചേർന്ന യോഗത്തിൽ പ്രളയത്തിൽ വീട് നഷ്ടപ്പെട്ട കൊക്കയാർ പഞ്ചായത്തിലെ അഞ്ച് കുടുബംങ്ങൾക്ക് വീട് വച്ച് കൊടുക്കുന്ന പദ്ധതിയുടെ ഉദ്ഘാടനം ജില്ലാ പഞ്ചായത്ത് പ്രസിഡന്റ് ജിജി കെ. ഫിലിപ്പ് നിർവഹിച്ചു. കടാശ്വാസ കമ്മിഷൻ ധനസഹായ വിതരണം ജോസ് പാലത്തിനാൽ നിർവഹിച്ചു. ബാങ്കിന് ലഭിച്ച സഹകരണ വകുപ്പിന്റെ ക്യാഷ് അവാർഡും മെമന്റോയും സഹകരണ സംഘം ജോയിന്റ് രജിസ്ട്രാർ റൈനു തോമസ് നൽകി. ബാങ്കിന് ലഭിച്ച ഐ.എസ്.ഒ സർട്ടിഫിക്കറ്റ് ബോക്ക് പഞ്ചായത്ത് പ്രസിഡന്റ് പി.എം. നൗഷാദ് നൽകി. റിസ്‌ക്ക് ഫണ്ട് പദ്ധതി പ്രകാരമുള്ള ധനസഹായം സംസ്ഥാന സഹകരണ കാർഷിക വികസന ബാങ്ക് ജനറൽ മാനേജർ സിന്ധു ആർ. നായർ വിതരണം ചെയ്തു. ജില്ലാ പഞ്ചായത്ത് അംഗം കെ.ടി. ബിനു മുഖ്യപ്രഭാക്ഷണം നടത്തി. സെക്രട്ടറി കെ.എസ്. രാധാകൃഷ്ണൻ പ്രവർത്തന റിപ്പോർട്ട് അവതരിപ്പിച്ചു. എം.ജെ. വാവച്ചൻ സ്വാഗതവും ഭരണ സമിതി അംഗം ശാന്തി ഹരിദാസ് നന്ദിയും പറഞ്ഞു.