കുമളി: കേരള സംസ്ഥാന ശിശുക്ഷേമ സമിതിയുടെ നേതൃത്വത്തിൽ 'ശിശു സൗഹൃദ കേരളം' എന്ന വിഷയത്തിലുള്ള ദ്വിദിന ശില്പശാല ആരംഭിച്ചു. കുമളി ആനവച്ചാൽ ബാബു ഗ്രോയിൽ നടക്കുന്ന ശില്പശാല സംസ്ഥാന ബാലവകാശ സംരക്ഷണ കമ്മിഷൻ ചെയർമാൻ അഡ്വ. കെ.വി. മനോജ് ഉദ്ഘാടനം ചെയ്തു. സമിതി സംസ്ഥാന വൈസ് പ്രസിഡന്റ് അഴിക്കോടൻ ചന്ദ്രൻ ചടങ്ങിൽ അദ്ധ്യക്ഷത വഹിച്ചു. കുട്ടികളുടെ ക്ഷേമം, പരിരക്ഷ എന്നിവ മുൻനിറുത്തി ഏറ്റെടുക്കേണ്ട വിവിധ പദ്ധതികൾ ശില്പശാലയിൽ ചർച്ച ചെയ്യുമെന്ന് സമിതി ജനറൽ സെക്രട്ടറി ഡോ. ഷിജുഖാൻ അറിയിച്ചു.