മൂന്നാർ: വിനോദസഞ്ചാര കേന്ദ്രങ്ങളിലെ മാലിന്യ സംസ്‌കരണം സംബന്ധിച്ച് തദ്ദേശ സ്വയംഭരണം, വിനോദസഞ്ചാരം, വനം, പരിസ്ഥിതി, ഊർജ്ജം എന്നീ വകുപ്പുകൾ സ്വീകരിച്ചുവരുന്ന നടപടികൾ വിലയിരുത്തുന്നതിന് നിയമസഭാ സമിതി മേയ് 10, 11 തിയതികളിൽ മൂന്നാർ സന്ദർശിക്കും. ഇതിന്റെ ഭാഗമായി മേയ് 10 ന് രാവിലെ 10 ന് മൂന്നാർ പഞ്ചായത്ത് ഹാളിൽ യോഗം ചേരുന്നതും വിഷയത്തിൽ വകുപ്പുകളിലെ ജില്ലാതല ഉദ്യോഗസ്ഥരിൽ നിന്നും തെളിവെടുപ്പും നടത്തും. മെയ് 11 ന് മൂന്നാർ മേഖലയിലെ മറ്റ് വിനോദസഞ്ചാര കേന്ദ്രങ്ങളും സന്ദർശിച്ച് മാലിന്യ സംസ്‌കരണം സംബന്ധിച്ച നടപടികൾ വിലയിരുത്തും.