പാപ്പിനിശ്ശേരി: കാർ നിയന്ത്രണം വിട്ട് മതിലിലിടിച്ചു നാല് പേർക്ക് പരിക്ക്. ഇന്നലെ വൈകുന്നേരം നാലിന് പഴയങ്ങാടിയിൽ നിന്നും കണ്ണൂർ ഭാഗത്തേക്ക് പോകുന്ന കാർ പാപ്പിനിശേരി വെസ്റ്റ് പഴയ പോസ്റ്റ് ഓഫീസിന് സമീപത്ത് വെച്ചാണ് അപകടത്തിൽ പെടുന്നത്. പഴയങ്ങാടി സ്വദേശികളായ നിനേഷ് (35), നിഷാന്ത് (37) , മിഥുൻ (27), നിക്കോളാസ് (50) എന്നിവരെ പരിക്കുകളോടെ പാപ്പിനിശേരി സ്വകാര്യ ആശുപത്രിയിൽ പ്രവേശിപ്പിച്ചു. അപകടത്തിൽ കാറിന്റെ മുൻഭാഗം പൂർണമായും തകർന്നു. മിലിറ്ററിയിൽ ജോലി ചെയ്യുന്ന നിഷാന്ത് എന്നിവർ കോഴിക്കോട് വിമാനത്താവളത്തിലേക്ക് പോകുംവഴിയാണ് അപകടം. രക്ഷാപ്രവർത്തനത്തിൽ നാട്ടുകാരും പൊലീസും പങ്കാളികളായി.