പാനൂർ: കൊളവല്ലൂർ പൊലീസ് സ്‌റ്റേഷൻ പരിധിയിലെ നരിക്കോട് മലയിൽ വ്യാജവാറ്റു കേന്ദ്രം കണ്ടെത്തുന്നതിനായി പൊലീസ് നടത്തിയ റെയ്ഡിൽ വൻസ്‌ഫോടക വസ്തു ശേഖരം പിടികൂടി. കൊളവല്ലൂർ എസ്.ഐ സുഭാഷ് ബാബുവിന്റെ നേതൃത്വത്തിലാണ് റെയ്ഡ് നടത്തിയത്. നരിക്കോട് മലയിൽ താമസിക്കുന്ന തൃപങ്ങോട്ടൂർ അക്കരമ്മൽ വീട്ടിൽ ജോഷിയെന്ന (48)യാളുടെ വീട്ടിൽ നിന്നാണ് ഇന്നലെ രാവിലെ വൻസ്‌ഫോടക വസ്തു ശേഖരം പിടികൂടിയത്.

വീട്ടിൽ അനധികൃതമായി സൂക്ഷിച്ച 30 ജലാറ്റിൻ സ്റ്റിക്ക്, 17 ഡിറ്റണേറ്റർ എന്നിവയാണ് കണ്ടെത്തിയത്. ഇയാളെ സ്‌ഫോടകവസ്തു നിരോധനപ്രകാരം അറസ്റ്റു ചെയ്തിട്ടുണ്ട്. റെയ്ഡിൽ എസ്.ഐ പ്രഷീദ്, സിവിൽ പൊലീസ് ഓഫീസർമാരായ ദീപേഷ്, ഷിഗ്, പ്രമിത, സനൽകുമാർ എന്നിവരും പങ്കെടുത്തു.