ബാലുശ്ശേരി: ഇൻകാസ് ഖത്തർ കൊടുവള്ളി നിയോജക മണ്ഡലം നിശാക്യാമ്പ് സംഘടിപ്പിച്ചു. മതേതര ഇന്ത്യയുടെ ജനാധിപത്യ വ്യവസ്ഥ വെല്ലുവിളികൾ നേരിടുന്ന ഈ കാലഘട്ടത്തിൽ കോൺഗ്രസിനെ ശക്തിപ്പെടുത്തേണ്ടത് കാലത്തിന്റെ ആവശ്യകതയാണെന്ന് ക്യാമ്പിൽ ചർച്ച ചെയ്യപ്പെട്ടു. മത ന്യൂനപക്ഷങ്ങൾക്ക് നേരെയും പിന്നാക്ക ജനവിഭാഗങ്ങൾക്ക് നേരെയും മോദി ഭരണകൂടം അടിച്ചമർത്തുന്ന നിലപാടിലും യോഗം ആശങ്ക രേഖപ്പെടുത്തി.
കടവ് റസ്റ്റോറന്റിൽ നടന്ന പരിപാടി ഇൻകാസ് സെൻട്രൽ കമ്മിറ്റി ആക്ടിംഗ് പ്രസിഡന്റ് അൻവർ സാദത്ത് ഉദ്ഘാടനം ചെയ്തു.
കൊടുവള്ളി നിയോജക മണ്ഡലം കമ്മിറ്റി പ്രസിഡന്റ് ബെന്നി കൂടത്തായി അദ്ധ്യക്ഷത വഹിച്ചു. കോഴിക്കോട് ജില്ലാ പ്രസിഡന്റ് അഷറഫ് വടകര സെൻട്രൽ കമ്മിറ്റി വൈസ് പ്രസിഡന്റ് വിപിൻ. പി.കെ.മേപ്പയ്യൂർ, ജില്ലാ ജനറൽ സെക്രട്ടറി അബ്ബാസ് . സി.വി., ജില്ലാ സെക്രട്ടറി മുഹമ്മദലി വാണിമേൽ, ട്രഷറർ ഹരീഷ് , ഇൻ കാസ് കൊടുവള്ളി മണ്ഡലം ട്രഷറർ സബീഷ് കുണ്ടായി തുടങ്ങിയവർ പ്രസംഗിച്ചു. കൺവീനർ റഹീം കൊടുവള്ളി സ്വാഗതവും റിഷാദ് പള്ളിമുക്ക് നന്ദിയും പറഞ്ഞു.